Popular Bible Verses from TEALIAN 21

Share

Ko TEMENENO balakaatiyo Sara, buno komo lapamo dondiikene.

Ko Mian Bisa lengele Ismael alalo, tukon luwedoi timbu ko Mian Bisa namalaekat basilingoniiyo Hagar, bantile, “Oila komu sinusakon, Hagar? Inai momatakut. Ko Mian Bisa lengelemo komupau alalo. Tauso doi mupaudoo, bingkate tukon tanaanggene yana. Yaku naikon tealikene konakatulunan meeng kobangsa mobabasal.”

Doi tempo molapamo Mian Bisa tantukanggene, salataa Abraham motuamo, Sara tianano maka suunge komeeng kopau malaneno.

Sara bantile, “Ko Mian Bisa lapamo kubaiyo yaku kokumbit sabab sanaang. Memeeng komian molengele nalangge nia naikon kokumbit polaing yaku.”

Bai ko Mian Bisa bantile doi Abraham, “Inaimo ikoo mobalasaak tentang muata Hagar tukon napaudoo. Loingiyomo Sara namongiasan, sabab lolo doi Ishak ikoo naikon malaat katulunan Yaku modondiikenedoo.

Bunomo koidan doi Hagar napau naikon Kubeena badaang kopau tumbu sulano napoo teali meeng kobangsa. Sabab yana mupau koidan.”