Popular Bible Verses from YOHANES 14

Share

Askiya yaḇeifa kyainus mko. Aski ayena yaḇuk na faro mko, ma rosai yaḇuk faro mko namnis kuker roi supswan ine ḇyuk faro mko naba. Mkosnemna neḇirḇar ma mkomkak awer.

Yesus ikofen faroi: “Aya ine kada nyanya ma napnapes ma kankenem. Snonkaku oso ḇaḇeri ḇerama faro Mami, rofyor imbranuk ro ayaḇa.

“Mkosnemna neḇirḇar awer; mkokyar faro Allah, mkokyar maro aya kako.

ḇape Rur Ḇesren, isoine Rur Ḇeḇuk snepreiya nari Kmaya iwani kuker snonsnon ayedi, iso nari ḇefarkor fa ḇemko ma ḇeḇuk swarepen ro roi ḇeḇor yakofen kwar faro mko anna kam.

Mansei ḇeyuf sasoser ayena ma ḇeḇeuser na, iso ḇeswar ayanya. Ma mansei ḇeswar aya, ikada nari Mami dakswari ma aya kako nari yakswari ma nari yafasna aya ḇardi faroi.”

Nari yor faro Kmaya, ma nari ḇyuk faro mko snon ḇesaramper oso ḇese, insa ifnoḇek mko, isoine Rur Napnapesya. Supswan ine dakna iba, snar supswan ine dakmam iba ma ssmambaḇir iba. Ḇape mko kada mkomamḇaḇiri, snar ifnoḇek mko ma ḇyeoser kuker mko.

ma rosai mkor kuker snonsnon ayedi, nari yafrur na faro mko, insa Kmaya isma baba ro Rumkunya. Rofyor mkor roi ono kuker snonsnon ayedi, nari yafrur na.”

“Rofyor mkoswar aya ido, nari mkoḇeuser sasoser ayena kam kada.

Ro Mami rum ḇyedi moḇ kankain nasya nabor. Rofyor rariryaḇa, nari yakofen na faro mko. Snar yaramura ḇediwa insa yafasos moḇ faro mko.

Ma rofyor yara ro diwa kwar ma yafasos moḇ faro mko kwar, nari yakaḇer muma wer ma yun mkoḇe moḇ ayedi, insa moḇ rosai aya isya roya, mko kako mkoisya ro moḇ ani.

Raimnai Tomas ikofen faro Yesus, ḇo doḇo: “Manseren, nkofawi moḇsai rwaḇeyaḇa; inja rariso nari nkofawi nyanya?”