Popular Bible Verses from YOHANES 16

Share

Yakofen faro mko, roi ḇeḇor nane, insa mkosma aski snar mkoḇe oser kuker aya. Ro supswan ine sewayam mko ma mkoḇe kandera ḇape mkosambraḇser mkosnemna, snar yakafyo supswan ine kwar.”

Ḇape rofyor Rur ḇenapesya ryama, ikada nari dun mko faro napnapesya; snar nari iwos ro roi ḇekur mankundi ḇardiḇa, ḇape dawos roi ḇeḇor kam imnaf na naiso ikofen na ma nari ḇyaryas faro mko ro roi nari ḇerama na.

Isof ro ras ine mkor roi oso ḇaim kuker snonsnon ayedi. Mkor nari mkosma, insa raryaḇ mkoḇedi imnis.

Rarirya roi yakofen faro mko nane nkaku: Iḇye syadi faro mko, fa yara. Snar rofyor yaraḇa, nari yawan Rur Ḇeḇuk snepreiya faro mkoḇa. Ḇape rofyor yara, nari yawani faro mko. Ma rofyor ryama ido, iso nari ḇeḇuk fa supswan ine ssmambaḇir sasarna, napnapes ma ḇaḇesamamyaiya

Rarirya kako fafisu ine mkoḇe mandak, ḇape nari yasrow mko wer ma nari mkoryaḇ ma snonkaku oso ḇaḇeri fa dun raryaḇ mkoḇena burmko. Ma ro ras ani mkono nari ifuken roi ono faro aya ḇa. Kaku ḇeri yakofen faro mko: Roi ḇeḇor kam mkor faro Mami kuker snonsnon ayedi nari ḇyukna faro mko.

Kaku ḇeri yakofen faro mko: Nari mko kanes mboi supswan ine nari siryaḇ; mko kada nari mkomandak, ḇape mandak mkoḇena nari nfarwe ḇe raryaḇ.