Popular Bible Verses from Yohanes 2

Share

Bwembwema jeiserem Yesus nabal-nabalsus ga jes eyebili tamna Kana je, ona Galileyaminibe. Bwembwema jeiserem Yesus baabeta unggwandusa Jelemana ga jem gwerauwulu. Ane ai angtane Jei ajeya tikwebaatinennerem Jei ga aya tebana.

Jepga Yesus ga aa tamawola, “Iye aamei Ai As ijam balyan. Nunu Amna gemerje jebe As fas fibetya Ai Ana Ajep ge salaserem.”

Yesus ga angtane aa jei ne taayinbilirim, angtane jeiserem ga aa balbabili, “Wesyana jeiserem fona imsa bakbakul.” Jei ga wesyana jeiserem fona jep ga aane bakbakulu jamer fona aa ge tenbitye. Ane jepga Yesus jei ga aa balbabili, “Aas jepserem fona bastantowaifer imsa jesulte, ane ga isa gwirinbefele, ga isa gulbana masar dwakfe.” Jepga fona jeiserem ga aane gwirinfele, ga aane gulbana jebe.

Jepga Yesus ga aa tamawolbaabili, “Jena Uwa Sanbagirmana aaiserem jasa wirulsi, ane nunu ga nawer-ningginfenna Ai Jena aaiserem gamjon ga jem As gwitiri.”

Yesus agwana ga eyebili naau bormawer, ane angtane jeiserem, sapi mese ane domba jem ga surbobili Jena Uwa Sanbagirmanaiserem jewer. Jei doini angtane aa jes ne tukartababuwenaram ga tutobaipmisnenne, ane mejana jemna ga irfitabaipmini. Ane angtane junu senaya aa jei ne jualtababilirim, Jei angtane jeiserem ga balbabili enggame, “Aamei aawer sa totini junu seyafter aaiserem jebaner. Uwa Amnaiserem Jena Jemna ijama irfulyon pasarfe.”