Popular Bible Verses from Lukas 23

Share

Yesus sembayanga ga gwebana, “Uwa, etam-etama jemna se wirtabaipmi! Jei jam ge towaswebiyen jei aa jes ne eyebilirim.” Ane ginanggwana jei olgulup ga naawena tuna bastantouyaserem jeme, bosna undian, fene Yesusmana ga jem ne syenulf.

Yesus ga tamawolbana, “Ai bunarsus ims towastana, nunu namwer aaiserem aamei Abar nes ne nwini tamna abakfer gwelaiserem jebe.”

Jepga jei Yesus ga bala, “Yesus, ai as jam Is sarbastaabona, ane waakena Imnaiserem ap ga as Is gulbana, Aamei gamjon Ijep fortyaram anggwabura seyafter gemerserem jem Sanbakf Ijep gwenaram.”

Yesus uskambar ga gwarna, “Uwa, mafnana Amna ga Is Ajam gulbana.” Jes gamserem gam Jama gutenaram, Jei ga tere.

Jei aa galap ge forobilirim taman bosna “Dwak Otam” jebe, jei Yesus jep ga aane daktanswena ti salibibe. Anggwa kakala nauraiserem ga Jebar ne daktabaabunswena ti salibibe, afelna Jem taasfolawer, ane afelna ga Jem gwejawer.

Engbar jema 12.00 gwere bolap aa falaram, gwere nafa fas, ane ona seyafter jep gemerserem gwini ga fal, jamer jema 3.00 dafef. Ane kain unggwan-giri aa je taannurum Uwa Sanbagirem Jenabe ga aane bitnetini nenennaber.

Angtane sanbaka 100 ginanggwamana jep jeiserem, jei seyafter jep aa je etamwenaram ga aa domola, ane Uwa Sanbagiri ga pujitene. Ane ga bala, “Bunarsus Angtane aaiserem Jeiba Angtane waaken-waakensusum. Jei kapkaiserem Jam eyebiyen.”