Popular Bible Verses from Markus 11

Share

Jega jem temawer Ai aamei isa Ajam balbabili, seyafter gemerserem aamei jes igama balbabilirim, aamei sembayanga jam jep igama gwebanaram, aamei ilem inip ga enggam is gunu, ‘Uwa Sanbagiri jeiserem mes gulbana abe’, afa aamei Uwa Sanbagiri jes gamserem igam tebana, Uwa Sanbagiri Jei ga is gam gulbana.

Bunar-bunarsus Ai aamei isa Ajam balbabili, afa aamei taarena aaiserem jam isa balaram, ‘Se irwa! Finip ina ga is taptastena!’, taterisi jeiserem se etamwena im oleme, afa ini imna isar-isarmer is jam ge folbamiyen, enggame ijama guyon, ‘Ai ajes bilirim, jeiserem kese etamwena?’ Afa ini imna ise unggwan-girsusfer sege folbamini enggame jeiserem se etamwena, ane afa aamei jese towaswena enggame aamei ijes bilirim bunarsusfer se etamwena, afa ga gam jes gemerserem, je ga waakenfer ga gam etamwena.

Ane aamei sembayanga jam jep igama gwebanaram, afa aamei angtane nafsi gemer igama nasbanaram ilem inibe, aamei gwanan angtane jeiserem jebar jam igangge waakenswena, taterisi jeiserem jam igangge nasbili jamere igangge borola. Jes gamserem gam isa eyebilirim, jega Uwa Sanbagiri imnaiserem taman waaken-girip aaiserem Jei etam-etama imnaiserem is ga gam wirtabaabili. [

Yesus ga tamawolbili, “Uwa Sanbagiri jam isa tebana!

Jepga Yesus ga towas-towastababili enggame, “Taterisi Uwa Sanbagirmana jep ga enggam baatultel: ‘Jena Amnaiserem ga enggalf angtane anggwabura seyafter gemerserem jei Abar Ajeba nasowef.’ Jengga aamei jena aaiserem enggam ima eyebili, angtane komkoma jep nwinbele gamserem.”

Angtane Yesus aa jei ne danabanaram ane amnumana, seyafter ga aa ge tetenbili: “Nei Uwa Sanbagiri ganma pujite! Uwa Sanbagiri waakena Jelemanaiserem gase gulbana Jebe, Angtane aa Jei fortyaram Tuhanem boseme!

Nei waakenaiserem ga nesa gulbana Raja nemnaiserem namwer aa jei fortyaram, Jei Raja Daud fwatermana jem urgunup Jeyam fortya! Nei Uwa Sanbagiri ganma pujite! Jei taman waaken-girip nwini, tamna bwalesususerem.”