Popular Bible Verses from Ulaan Apostel 3

Share

Kumarna naidi, satdar mo kènè janah tobat ipas dosa-dosa ndènè nai, nai balik mo kènè mendahi Dèbata, asa isasa dosa ndènè.

Tapi nina si Petrus mo mbangsa, “Ukum emmas barang pirak oda lot bangku. Tapi kadè silot bangku, kuberrèken mo bamu: Merkitè gerar Jesus kalak Nazaret i, merdalan mo kono!”

Nai mènter iteggu si Petrus mo tanganna kamuhun lako mengurupisa cènder. Jadi mèter mergegoh mo nèhèna dekket mata-mata nèhèna i. Mèter simpusta mo ia cènder janah merdalan mo ia lumaus roh, mi sèn mi sadoi. Nai ibengketti mo Bages Dèbata rebbak dekket si Petrus dekket si Johanes

Kènè dengan enggo idah janah isaksiken kènè kadè simasa bai nitempuk sigading èn. Enggo mergegoh Ia janah malum, kemulihken percaya taba Jesus bak kuasaNa. Janah kumarna percaya mi gerar Jesus i ngo asa gabè malum iakap i hadeppen ndènè karina.