Popular Bible Verses from KAJAJIYANG 39

Share

PUWANGNGE sibawangngi Yusuf angkanna tuli mallolongengngi ri laleng jama-jamanna. Naonrona ri bolana puwanna, tau Maséré'éro.

Sininna iya nappunnangiyé Potifar nappaddettangenni lao ri Yusuf. Nanallalengiwiro dé' sises-sisenna namaélo missengngi passaleng urusang bolana, sangadinna passalenna inanréna. Iyaro Yusuf poréi namagello.

Nappaddettangenni sining tahanang laingngé lao ri Yusuf, sibawa Yusuf ritu riwéréng tanggung jawa' lao ri sininna jama-jamang iya ripogau'é ri laleng tarungkuéro.

Nanapparéntangngi naritikkeng masitta Yusuf nariputtama ri laleng tarungkué, onronna sining tahananna arungngé ritarungku. Iyakiya PUWANGNGE sibawangngi Yusuf sibawa mamaséiwi matteru, angkanna kapala tarungkué napojiwi.

Siyagangngaré ittana, iyaro bainéna Potifar naélorini Yusuf, nainappa naéra iyaro kalloloé siatinrong. Iyakiya dé' namaélo Yusuf, nanakkedana lao ri aléna, “Taddampengekka, Bu, pura manenni nappaddettangeng appunnangenna puwakku Potifar lao ri iyya. Dé'na aga-agana parellu napikkiri ri bolaéwé. Akuwasanna kuwaé pada-padai akuwasakku. Dé'gaga muwi séddi iya dé'e nappaddettangengngi lao ri iyya sangadinna Ibu. Pékkugi makkullé upogau' pangkaukeng majaéro sibawa madosa lao ri Allataala?”

Engka séuwa esso wettunna Yusuf muttama ri lalempola untu' pogau'i jama-jamanna, dé' muwi séddi tau engka kuwaro. Nagettenni bainéna Potifar Yusuf ri jumbana sibawa makkeda, “Laono mai tasibawa matinro.” Maronta'i Yusuf sibawa naulléi leppe, nanalari massu, iyakiya jumbana monroi ri limanna iyaro makkunraié.