Popular Bible Verses from YOHANES 14

Share

Asaléwangeng Utarongekko. Asaléwangek-Ku Uwérékko. Iya Uwabbéréyangngéro dé' napada-pada nabbéréyangngé linoé lao ri iko. Aja' mumausé, aja' mumétau.

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

Nakkeda Yésus lao ri mennang, “Aja' namasara atim-Mu. Ateppe'no ri Allataala sibawa ateppe' tono lao ri Iyya.

Iyakiya Rohna Allataala, Pattulung iya nasuroé matu Ambo'é ri laleng asek-Ku, Aléna matu pagguruko sini-sininnaé sibawa paréngngerangiko lao ri sininna iya puraé Upaissengiko.

Tau iya tarimaéngngi parénta-parénta-Ku sibawa napogau'na, iyanaritu mamaséiyék-Ka. Namaséiwi matu Ambo'-Ku tau iya mamaséiyékko. Uwamaséi towi iyaro tauwé sibawa Uwappaitanna alé-Ku lao ri aléna.”

Uwéllauwi matu ri Ambo'é, nanawérékko matu Pattulung laing, iya monroé matu sibawakko lettu mannennungeng. Aléna Rohna Allataala iya pannessaéngngi matu atongengengngé passalenna Allataala. Dé' naulléi linoé tarimai, saba' dé' naitai iyaré'ga naissengngi. Iyakiya iko muwissengngi, nasaba monroi sibawakko enrengngé maélona masséddi sibawa iko.

Na agi-agi muwéllau ri laleng asek-Ku, Upogau'i iyaro untu' alému, kuwammengngi naripakaraja Ambo'é naolai Ana'é. Agi-agi muwéllau ri laleng asek-Ku, Upogau'i matu.”

“Rékko muwamaséi-Ka, mupajoppai parénta-parénta-Ku.

Ri Bolana Ambo'-Ku engka maéga onrong maddibola. Lao-ka kuwaro untu' passadiyangekko onrong. Dé' Uwakkeda makkuwaro matu lao ri iko, akkalarapanna dé' nakkuwaro.

Purakuna passadiyangekko onrong, lisu-Ka matu duppaiko, kuwammengngi kéga-Ka engka, engka tokko matu kuwaro.

Nakkeda Tomas lao ri Yésus, “Puwang, dé' nariisseng kégaki Puwang lao, pékkugiki missengngi lalenna?”