Popular Bible Verses from YOHANES 19

Share

Napérasaini Yésus uwai anggoro'éro nainappa makkeda, “Tépuni!” Nainappa napacannunnu ulun-Na namaté.

Naissenni Yésus makkedaé tépu manenni makkekkuwangngé, nakuwammengngi aga iya tarokié ri laleng Kitta'é weddingngi kajajiyang, makkedani, “Madekka-Ka.”

Wettunna Yésus naita indo'-Na sibawa ana' gurun-Na namaséiyé tettong kuwaro, makkedani ri indo'-Na, “Indo', iyaro ana'na Indo'.” Nainappa makkeda Yésus lao ri ana' gurun-Naro, “Iyaro indo'mu.” Mappammulai wettuéro iyaro ana' gurué natarimai indo'na Yésus untu' monro ri bolana.

Wettunna mennang lettu ri Yésus, naitani mennang maténi. Jaji dé'na napoloi ajé-Na. Iyakiya sala séddinna polé risining prajuri'éro gajangngi benrénna Yésus sibawa bessi; nassuna daraé sibawa uwai.

Kajajiyangngi iyaro kuwammengngi nakajajiyang aga iya tarokié ri laleng Kitta'é, iyanaritu “Dé' séddi bukun-Na ripolo”. Ri laleng Kitta'é taroki towi, “Naitai matu mennang iya puraé mennang nagajang.”

Massuni Yésus méssangngi salli-Na lao ri onrong riyasengngé “Onrong Tengkora”. (Ri laleng basa Ibrani riyasengngi Golgota.)

Mébbuni sining prajuri'é séuwa passigera' polé ri takké-takké maddorié, nainappa napasang ri ulunna Yésus. Purairo napappakéini mennang jumba lango-lango