Popular Bible Verses from YOHANES 21

Share

Puranana mennang manré, makkedani Yésus lao ri Simon Pétrus, “Simon ana' Yona, lebbi muwamaséi-Ka'ga naiya mennangngé mamaséi-Ka?” Nappébali Pétrus, “Tongeng Puwang, taisseng Puwang uwamaséiki Puwang.” Nakkeda Yésus lao ri Pétrus, “Piyarai ana'-ana' bimbala'-Ku.” Untu' mabbékkaduwanna makkutanai Yésus lao ri Pétrus, “Simon ana' Yona, muwamaséi-Ka'ga?” Nappébali Pétrus, “Tongeng Puwang, taisseng Puwang uwamaséiki Puwang.” Nakkeda Yésus lao ri Pétrus, “Piyarai bimbala'-bimbala'-Ku.” Untu' mabbékkatellunna Yésus makkutana ri aléna, “Simon ana' Yona, muwamaséi-Ka'ga?” Messéni Pétrus saba' genne'ni wékkatellu Yésus makkutana ri aléna. Nappébali Pétrus, “Puwang, taisseng Puwang sini-sininnaé. Taisseng Puwang uwamaséiki Puwang!” Nakkeda Yésus lao ri aléna, “Piyarai bimbala'-Ku.

Tongeng senna' adak-Kué: Wettummu kallolo mupa, alému muto siyoi babuwamu, sibawa lao kégi-kégi muwéloriyé. Iyakiya rékko macowano matu, muloro'i limammu, na tau laingngé siyoko sibawa natiwiko ri onrong dé'é mumaélo lao.”

Nakkeda Yésus lao ri mennang, “Appéyangngi jalamu ri seddé ataunna lopié, lolongekko matu balé.” Nanappéyanni mennang jalaéro, iyakiya dé'na naulléi gettengngi paimeng saba' makkuwamani égana balé ri lalenna.

Nakkeda Simon Pétrus lao ri laingngé, “Maéloka lao mattikkeng balé.” Nakkeda mennang lao ri Pétrus, “Maélo tokki maccowé.” Nalaona mennang mallopi. Iyakiya puppu benniwi dé' agaga natikkeng mennang.