Popular Bible Verses from LUKAS 11

Share

Namuni majako, muwisseng towi mpéréngngi makessingngé lao ri ana'mu. Apalagi Ambo'é ri surugaé! Nabbéréyangngi matu Roh-Na lao ri mennang iya méllauwéngngi ri Aléna!”

Jaji, makkeda-Ka lao ri iko: Ellauni, nariwérékko matu; sappai, namulolongengngi matu; getto'ni, naritimpakekko matu.

Nasaba tau iya méllauwé natarimai matu; tau iya massappaé nalolongengngi matu, sibawa tau iya maggettoé, ritimpakengngi matu tange.

Nakkeda Yésus lao ri mennang, “Rékko massempajakko, powadai makkuwaéwé, ‘Ambo', Iko ritu Allataala iya Séuwaé. Tennapodo risompa-Ko sibawa ripakalebbi.

Addampengengngi dosa-dosata, saba' riyaddampengeng towi tungke' tau iya pasalaé ri idi. Sibawa aja' taleppessakki ateddéngeng ateppereng wettutta ricobai.’ ”

Wérékki esso-esso inanré iya tapparelluwangngé.

Mataé iyanaritu lampunna watakkalé. Rékko macakkai matammu, sininna watakkalému matajangngi. Iyakiya rékko massalawui matammu, sininna watakkalému mancajiwi mapettakkape'.

“Dé'gaga tau tunuwi pajjennangeng nappa nasubbu iyaré'ga natongko sibawa baku. Nataroi matu iyaro pajjennangengngé ri ajé pajjennangengngé, kuwammengngi tau iya muttama'é naitai tajanna.