Popular Bible Verses from LUKAS 9

Share

Nainappa makkeda Yésus lao ri iya maneng engkaé kuwaro, “Tau iya maéloé maccowéri-Ka harusu'i nallupai apentingeng aléna, naéssangngi sallina esso-esso sibawa matteruna maccowéri-Ka.

Saba' tau iya maéloé méwaiwi atuwonna, ateddéngengngi matu atuwong. Iyakiya tau iya makkarobangengngéngngi atuwonna untu' Iyya, napassalama'i matu.

Nakkeda Yésus lao ri tauwéro, “Tau iya mappammulaénna maddakkala, nagiling limonri, dé' nasitinaja mancaji anggotana umma'na Allataala.”

Aga sarona lao riséddié tau rékko sininna linoéwé mancajiwi appunnangenna, iyakiya nasolangiwi sibawa ateddéngengngi atuwonna?

Rékko masirii tauwé mangakui-Ka sibawa pappagguruk-Ku, Ana'na Tolinoé masiri towi matu mangakuiwi iyaro tauwé ri wettu poléna matti sibawa akuwasan-Na, kuwaéttopa akuwasanna Ambo'é, enrengngé akuwasanna sining malaéka' mapaccingngé!

Nappébali Yésus, “Asu ale'é mappunnai kalebbong, sibawa manu'-manu'é mappunnai sarang, iyakiya Ana'na Tolinoé dé' nappunnai onrong léwu.”

Nainappa makkeda lao ri ana'-ana' gurun-Na, “Tau iya tarimaéngngi iyaé ana'é nasaba Iyya, bettuwanna natarima-Ka. Sibawa tau iya tarimaék-Ka, natarima towi iya suroék-Ka. Saba' tau iya kaminang baiccu'é ri yelle'mu, iyanaritu kaminang battowa!”