Popular Bible Verses from 1 Vakorinto 13

Share

Lirando la timisela, lirando li ni wumbilu, lirando kha li nga ni mazonda, lirando kha li ti guleti, lirando kha li ti kukumukisi; lirando kha li mahi ati ti si nga ni sigelo, lirando kha li ti laveli sa lona, kha li kwati, kha li na txiviti.

Lona la divalela totshe, la kholwa ka totshe, la rinzela totshe, la timisela totshe.

Lirando kha li tsakeli to biha, kambe li tsakela ti i ku ta ditshuri.

Konkuwa, likholo ni txithembo ni lirando nzimaha so tsana ngu wuraru wa sona, aniko txa hombe ka sona ngu lirando.

Lirando kha li na mbi va ni magwito. Kutxhumayela dipswi ku na guma, tidimi ti na pinda, wuzivi wu na guma

Hambi idiku no ziva kuwombawomba tidimi ta vathu ni ta tingelozi, kambe ngako ni si nga ni lirando, ni fana ni simbi yi yi ngelengetako mwendo mpundu wu wu tumako.

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Hambi ni txi teka yotshe thomba yangu ni txi phakela avale va si pwatako, hambi idiku no ningela mmidi wangu, wu txi hiswa ngu mndilo, kambe ngako ni si nga ni lirando, kha ti ni vhuni txilo.

Mbimo yi ni nga ti mwanana, ni ti wombawombisa txiwanana, ni ti alakanyisa txiwanana, ni ti pimisisa txiwanana; kambe mbimo yi se ni nga kula, ni to leka ta wanana.