Popular Bible Verses from 1 Johani 3

Share

Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

Ngako m'thu a di ni tithomba ta ha mafuni hawa, a txi wona mwanawe a si nga naso, se asi mkhataleli, li nga zumbisa kutxani kwakwe lirando la Txizimu kani?

Awule a veketako sirumo sa Txizimu, a zumba ka Txizimu, se Txizimu ni txona txi zumba kwakwe. Ha tiziva ti to Txizimu txi zumba ni nathu; ngu Moya wu txi nga hi ninga.

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Txiziviso txi hi nga txi engisa kukhukhela makhatoni ngu txiya: Ti to hi randana.

Mi nga xamaleni, vanathu, ngako ditiko di txi mi vengela.