Popular Bible Verses from 1 Samuwele 1

Share

Se a to maha txixambanyo, a txi khene: Awe MKOMA wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka MKOMA masiku otshe a kuhanya kwakwe, ha msungo kwakwe kha ku na mbi pinda limo.

Ana koko, ngu kupandiseka moyani kwakwe, a to maha mkombelo ka MKOMA, na a txi dila ngutu.

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka MKOMA.

Ani ni ti kombela mfana wuwa; se MKOMA a xamute mkombelo wangu wule ni nga wu maha.

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”