Popular Bible Verses from Vahebheru 11

Share

Likholo njitsaniso txa kumana simaha si hi si rinzelako, kambe njikombiso txa sile hi si si woniko. Ngu mhaka ya likholo, vakale va mani nduma ya yinene.

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Ngu likholo, ha ti pfisisa ti to nzuma ni mafu si mahilwe ngu Dipswi da Txizimu. Ngu toneto, asi si wonekako si tumbulukete ka si si si wonekiko.

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi. Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Ngu likholo, Enoki a guletilwe txitimwi kasi ku e pona ka lifo. Kha va mmana nguko Txizimu txi mtekile. Kambe a sinzi kuguletwa, a fakazetwe ti to a tsakisile Txizimu.

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Ngu likholo, Sara nene, hambiko a nga ti kumbile ngutu, a mani txirumbu nguko a tumete ti to awule a nga mmahela txithembiso, a tsanisile.

Nguko, a ti rinzela kuwona didhoropa da kuakwa di di ni makhato o tsana, adiya mpimisi ni muaki wa dona i ku Txizimu.

Ngu likholo, Mosi ngako a di kute, a lambile kudhanwa ti to i mwana Faro. A ti woni i di tshuko kuxaniseka kumweko ni vathu va Txizimu, kupinda ku ti tsakisa mbimo ya yidotho ngu kuhanya txionhoni. Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo. Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Ngu likholo, Abrahamu, mbimo yi a nga dukwa, a ningete Isaake. A ningete mwanana wakwe wammweyo ekha ngu ku a nga amukela sithembiso

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Ngu likholo, libhiyo la Jeriko li khundumukile msana ka kuranganyetwa mtxhanu wa masiku ni mambidi.

Ngu likholo a mahile Pasika, a txi xwayela matimba ngu mnoha, kasiku mfuvisi asi gwesi vanana va matiwula a Vaisrayeli.

Ngu likholo Josefa, a di hafuhi ni kufa, a mahile txialakanyiso txa kurura ka vanana va Israyeli, a txi va leleta ati va no mtshotshisa tona.

Ngu likholo, Jakobe, a di hafuhi ni kufa, a katekisile mmweyo ni mmweyo wa vanana va Josefa, a txi khozela na a di tshikite ahawa ka mtxheketelo wakwe.

Ngu likholo liya kambe, Isaake a kombelete Jakobe ni Esawu makatekwa a mbimo yi yi tako.