Popular Bible Verses from Marku 6

Share

Se ene a nje khene kwawe: “Ngonani kheno anu mokha, he tsuleni txiwulani, mi na ya humula kudotho.” Nguko i ti vathu vavangi, ava va nga txi tsulela ni va va nga txi ta, ahawa ka kuza vagondiswa va txi pwata ni mbimo ya kudya sakudya.

Kambe Jesu a ti khene kwawe: “Mprofeti kha kanyiswi, ngako i si nga ditikoni kwawe ni maxakani kwawe, ni nyumbani kwawe.”

Ngako a di humile ngu ngalavani, Jesu a to wona dibutho da vathu vavangi, a txi va pfela wusiwana, nguko va ti fana ni tinvuta to mbi na m'dyisi. Se e khata ku va gondisa timhaka to tala.

Konaho kha sikota kumaha txidiwukiso ni txa tximwetxo, hahanze ka valwali vokari, a nga va sanzeka manza, a txi va hanyisa. A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Jesu, ngako a di tekile mapawu a mtxhanu ni sihaka sa simbidi, a to gula maso e wona nzumani e si katekisa e bhandela mapawu e ninga vagondiswa vakwe, ti to vona va txi ma avela ka vathu. Ni sihaka sa simbidi kambe asi avete ka votshe. Votshe va to dya va txi khura. Se va to rolela ve tata digumi da sirundu ni simbidi ngu wururu wa mapawu ni wa sihaka.