Popular Bible Verses from LUKAS 6

Share

Pok, ow mamtetamey. Allah masirin, pok car aotetamceman. Aram ese awut pok epcom inim cimin atetamceman. E ese aman pok aotasisimnemcema. Aram e ese pok epcom akokoromwimcema. Car pok awutnew, pok kanimnew, ow atetamcokom, Allah inim awut pok aotetamceman.” Inim aeefen.

Akat ow, e ajak aman momomas, bare akatas ara. Inimas ar akat pok aemames. Pwicak ow nat, e ajak aman momomas, bare pwicakas ara. Inimas pwicak pok aemames. Ow, e ajak aman omomamesas jipu atakam atawmes.”

Allah e terima kasih atakam botaw opok owam, e dosa owam, asan akat aomama. Inimas ara, caram e cajewew ow damos mamjiomey. E ow asan akat mamomomey. Pok, ow mamtetamey. Wunam e ow, pok, car botetam, manmok batiwap arapok. Inimas aemcokom, Allah asan akatnakut car atetamceman. Caram e opnakut Allah atiperes aememcomokom.

E caricipic, bare ow serow ipic ara. Caram ow serow, inim mamememey.”

“Caram, ow e asalah, atakam basakamtiw arapok. Allah masirin, e casalah atakam basakamtiw opok aemcema. Caram, ‘Or salah emeemfem,’ inim atakam wun ow botaw arapok. Allah masirin, ‘Or salah emeemfem,’ inim atakam car botawtotor opok aemceman. Ow salah car aemcannew, e salah, bi binip mamiwosomey. Allah masirin, e casalaham, bi binip ajiwosomcema.

“E doratakam jen ajimokom owa. Jakaperey. E cajewew ow damos mamjiomey. E bifan afayomaman ow, asan akat mamomey. E car bajurusum jirmec ajirimceman ow, asan akat mamomey. Caram Allah, asan akat, e cemew aatman ow batetam, janim mamanimtamey.

Car, ow, asan akat car bom akat apormokomnew, caram asan akat e ow mamomey.”

Ow, e poman ak apompocannew, or e poman akam mamofirimtamey. Ow, e obaju kemeja atewces, or e obaju kausam acuw bat arapok. E janim aaniman ow takas, pok mamtatamey. Ow e opok atewces, e pok botetam janim manim arapok.

“Os akat, eke pwicak bwempe asan opok. Wunam, os sakuwe, eke akat bwempe asan opok.

Ow, e os eke aporces, ar e os, akat osnew, pwicak osnew, inimas aporcemes. Ow, e os eke aporces, ar e os, akat osnew, pwicak osnew, inimas aporcemes. Ow, os eke juwas ‘arā,’ fa epcom os kari bwemkomtew asan opok. Aram anggur eke, awor fa os bwemkomtew asan opok.