Popular Bible Verses from Yohanes 14

Share

Kit kinendainggen dirlukogo dogowagaluk an nendainggen dirluksek werek mende wokisalok ligin o. Eti akoni agat oba mende nen wogisiligogi eti kak wokisagin dek eti paga, kinendainggen pisik dogolik kinayuk agup o.

at Yesus nen, men yogokike, “Kolak inom, ebe wene inom, inilugurinabigogo mende inom, eti an nebeat o. At ta nen an noba wagidek kalok, Nombae werekma unggusak mondok erlok dek o,” yiluk yogokikesik

At Yesus nen wene esigit diluk yogisasikesik nen, yabunggane men yogisasike, “Nagoromi. Kit kinakla nen, Iya, yiluk kinendainggen pisik dogogup o. Kinendainggen Allah oba panggot digik, an noba panggot digik, kagako dogono o.

Wene eti an nebe kit ninom dogolik, yokisasi lagi. Mende, an Nombae nen at Agurengge kit yamakiyasi dogowagaluk, an nendaga paga wusakisa wisumo, at nen yi wene ndi wene taʼbokogonat yanggul kisigik, an nen yokisasi lagi mende eti taʼbokogonat kinakla ebet lagik, kagako dogogin o.

At ta nen, an nen, yigit diluk kagako dogono, ndigit diluk kagako dogono, yiluk yokisigi mende eti nane kologo kagarigogo kalok, an nebe endainggen kunik mende at etiat o. Nen, Nombae nen at eti endainggen kunigat o. Nen, an nen at eti nendainggen kunigat dogolik, nebe didanuwagaluk yanggul isigin o,” yiluk yogisasikemo

Esigit diluk kagakonem, kit yamakiyasi dogolik, kinom mondok dogobagik nen yiluk, an nen Nombae nggino yogosumo, at nen omanggi wusakisa wisigin o. At eti ebe Allah Agurengge ebe wene yokisasi dogogin mende. Esigit diluk kinoba wusakisa wisumo, it akoni agat oba mende nen, at eti ebe inonggodegat. Nen, ebe inilenggen kugun degat, eti paga ebe waganusak erlok degat o. Esigit diluk mende, kit kinarligat, at ebe kinom dogolik, kinakla mondok dogogin eti paga, at ebe kinilu dogogun o.

Nen, at ta nen, yi mende ndi mende an nendaga mbalogo Allah nggino yogoko kalok, an aʼbut nen kagakonem, it akoni nen Nombae pogorasuwagaluk, an nenat kagasigin o. Esigit diluk kagasigin eti paga, ki nen yi mende ndi mende an nendaga mbalogo nggino yoknoko dogono. Esigit diluk nggino yoknoko kalok, an nen kagasigin o,” yiluk wene yogisasike.

At Yesus nen wene esigit diluk yogisasikesik nen, wene omanggi men yogisasike, “Kit an kinendainggen kunik kalok, an nen kit yigit diluk kagako dogono, ndigit diluk kagako dogono, yiluk yokisaligogo mende eti kagako dogogun o.

An Nombae aguma etoma, o kit dogumo obalik dogalegat salek werek o. Esigit diluk dek dogolepma, an o kit dogogunmo etoma nggareli ligin, yiluk yokiselep dek o.

An o etoma arat lalok kit kinaguma arat nggarelogo ʼbiluk nen, an dogoginmo etoma ninom doguwok nen yiluk, suguluk wokinabi wisigin o.

at Tomas nen, men yogokike, “Newe. O kat liginmo eti ninonggodekma, kolak eti ninggit diluk nen ninilu asusak o,” yiluk yogokikemo