Popular Bible Verses from YOHANET 10

Share

Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek.

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o.

Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì.

Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o. Nopase neperak ninebe re, omakeat o,” ìlùk yogoisìkì lagaikomo

Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì.

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

Atì'nogo hùthìgì'lek werek kolek, hobuk at Yesùt en he, mel yogoisasike: “Wene eberogoat aike yogohisak. Wam topa wam atì inakwe re, an nebeat o.

At atì'nogo akikerek meneat he, at ap aike wam topa wam esewerek mene lek. At ako hùk. At we, oko wogosuagalùk serogo were'ma yeke lo yeke waganem eileken lakhalùk, wam topa warn heraksalùk hese lagare'ma re, yeke lo yeke a'nogo nen wam amanogo aik en aroromethìgìk woginabigìlùk sìk hogo mùk hogo pùgùlogo wulaksikerek.

At Yesùt en wene atì'nogo yogoisasikesik he, hobuk aike mel yogoisasike: “An nen wene aike eberogoat yogohisak o. Sa nen wam topa warn wanigìlùk ebe lalma kigìlùk he, kwe ebekwe kìgì'lek, we, leget esia'le harogo kike halok he, at atì yoga wanherek mane eki abusak wanigìlùgat o.