Popular Bible Verses from YOHANET 13

Share

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o. Hit-hit atì'nogo netawì-hetawìrogo hagatì logogun halok, it apùnì obogat ineileken hisìlìk, It yì Yesùt agoromì eberogoat hìgì, ìlùk inelu asugun o,” ìlùk yogoisasike.

Atì'nogo, an nebe hinoe Netagepogot wene yakùlhisìgìrek mene nen hit hinesok obakwe sobalhinapì halok he, hit en atì'nogoat hit-hit hinesok obakwe sobal-sobal ìkì logousak o. An nen hit hagathinapì atì hak, hit en an noabùt waganogo atì'nogoat hagatì logouageip en ìlùk yakùlhisìgì o.

at Yesùt en he, mel yogosike: “Nagot e. An hagatì yì, ebe kì'nogo mene he, hat hokot o. Meneat he, hobuk en helu asigin o,” ìlùk yogotì lagaikomo

Wene aike yì yogohìsak: Ap kain aike inawe a'ma negen werek kolek, at atitigeke mene esin negen welagarek lek o. Atì hak, ap yoko laksikerek mene inawe a'ma negen werek kolegat he, at yoko lagarek mene atì esin negen welagarek motok lek o, ìlùkk eberogoat yogohisìgì.

An nen wene yogohisìgì atì hinelu arìk hagatì logogun halok he, hina'la hai hakìkì logogun o.

Atì'nogo elu logolìk, sùpùrùk nìkì lagaikesik ebe melagaikesik he, asu ebe laberek mene nokologo hìlìk he, su kume warìk inoba amusu tetarek mene wanhìkesik oake hele pùk hogo isike. Atì'nogo isikesik he, sogoloak lemek mene ba i keralogo kelakhesikesik he, at agoromì ane wanhì lagaukwa mene amanogo inesok obakwe sobalinapikesik he, su oake hele pùk hogo isike a'nogo ba amusu horinabìk lagaike.