Popular Bible Verses from Lukas 12

Share

Iti hak, hit hinakla nen, At itinem wisigin, iluk apigidek akhirak werek korlek, an abat itaklasi agagi etnogo, arat wisigin iti, hit hinebe karelogo dogono o,” iluk yogeisasikhe.

At Allah apma ukiluk dogogun it meke kogotdugun halok, hit yi meke ti meke iti oba dukhogon wokhisageinat o.”

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Hinameke hinetaiken hunik meke etoma natogorlek werekma, hinetaiken etomaat dogogin o,” iluk yogeisasikhe.

Nen, hit aperek nen, An watlasusak arat itinem, 'bogokhogon watlageidek, herlekha'bugat ageikhe inom niluk dogole e, iluk wene munini uan 'bero ebesigin iti baga hiluk ageikhe inom dogogin nogo? Erlok dek o.

Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

Nen, hit hinisi hinukuloakma tha'bokhogonat, at Allah nen iki motok wenago welagarek o. At Allah nen thue wurle doalegat iti kok hakene apekherek 'buk. Hinebeat kok motok apekherek o. Iti nen hinayuk dekhogon dogono o” iluk yogeisasikhe.

“Halok he, hit Allah a'buri domba hakene opakimo hulogo ukiluk welageikharek meke hinebe herlekha'bugat meke yi, nagarlak lak nerugi o! Allah nen hit at apma 'binageigiluk akla apekhesik werek iti, hinayuk agup o.

At thue kin obabut hagakherek meke hutdini o. At nen yi meke ti meke ai yakhik, eken palhik, hagakherek motok dek. Nen yabokane nausak meke eken palogo o halekma 'bakhekherekma motok dek mekeat he, at Allah nen apiri wogokherek. Meke re, at Allah thue iti alon halinakherek nogo? Dek o. Hit hinebeat alon halhinakhe dogolik hinapiri wokhisagein dek nogo? Wokhisageinat o.

Hinakla nen he, Ninapiri men, ninagei men, ki meke nugun iluk, iti mekeat kogotdiluk hinelabut hisik dogogup o.

Halok he, oka herleka o limo welagarek meke iti, yogotak hak, hano welagarethek nen, hubuluke hakene, hetumo hundisegarek mekeat, Allah nen inasu ikhasu hak eken motok hano hagarogo 'bisekherek iti hak, hit meneke hinasu i'binagagin dek nogo? Hinetaiken at oba hakotdiluk dogou'buk yi re!

Meke re, yi meke ti meke thebelek meke iti thelekmatdigik, himago werek meke iti inilurogon thelekmatdigik, hagasigin anek o.