Popular Bible Verses from Lukas 24

Share

Nen, an nopase nen hit wokhisagein, iluk abok yokhisasikhe etnogo, yogo. An nenat hinoba usa'isasigin o. Meke re, Allah obatne pogot oba nen hinoba aban usa'i ageidek werek korlek ya re, hinebe o kota yomaat dogono,” iluk wene warisasikhe.

At ebe yoma dek o. Allah nen ilugutdekhemo o.

Itithogon hagakhunem, it emenogo alep inileken amukhak thalageikhe meke 'buka lageikhesik meke nen, ekagat hutdisukha. Ekagat hutdisukha meke re, at ebe it inakla nen ka laga heat nalageikhe. Itithogon nalageikhemo, it-it men isukha, “Eiye! Holagarlem waga dogolik nen, wene Allah ane holal waganek meke pilinogo yoknisekhe korlek, ninakla arleken atluk ninakla kagouk ekhe etnogo dek?” iluk isukha.

Itithogon inetaiken kagalogo yogeisekhe dogolik, “Allah nen Kristus ayoko 'biluk la'isigin isikhe meke holal men iluk waganek werek, Yi aik ti aik hilik-hilik watlatluk nen, iki pere warek dogoluk iki ageikhe baga yi nen, watlatluk lageikharekma nen iluk asigin o, iluk holal waganek werek. Nen, ageikhe men iluk holal waganek weregat, Hit akhuni weak hagakhe lagap meke iti, here'isalok hinbabut hebelagap halok he, Allah nen thagalogo degetdigin o, iluk, at etaga palogo wene ekhe dogolik, erlo o Yerusalem hurli nen yogeisilik, logat hurli o yi ai ti ai akhuni inukuloak etaga dopok motok yogeisilik laga dogono, iluk Allah ane holal waganek weregat o.

Wagoukhasik inileken 'bikhasukha meke, oila thu helekit meke tetnokhogon larogo 'bisukha etnogo dipilogo la'isukhama thu hualek werekma inileken hasukha. Hasukhasik inebe oila ukisukha meke re, at ninoe Etagapogot Yesus warek ebe dekma inileken hasukha.