Popular Bible Verses from Matius 22

Share

at Yesus nen he, “Wene kok he, at Musa nen, Hinetaiken men, hinobabut men, hinakla men, opakiat atluk, ninopase Allah Etagapogot ebe itiat hinetaiken hunik dogono o, iluk isikhe iti, wene ebe kok hakene itiat o. Nen, wene iti ipisak tak-tak he, ageikhe yi, Hit hinekaerek hinebe hinetaiken hunik welagathep iti hakene, it akhuni aperek hinom welagathep meke iti hinetaiken hunik dogono o, iluk isikhe meke kok ageikhe iti.

Wene at Allah nen, Yigithogon hagatno, itigithogon hagatno, iluk ninasuk wakhikhe wene tha'bokhogonat inom, wene it ap Allah ane yogeisekhe lagoukha meke nen isukha wene tha'bokhogonat inom, wene kok pere eta baga irlelek werek o,” iluk yogokhikhe.

Iti hakene, Allah nen akhuni inebe motok doalegat inayoko 'bekherek mekeat he, inebe pererlagat anek witaberogo 'bisagein o,” iluk yogeisasikhe.

Akhuni warek meke Allah nen inilugurinabigin itinem, humi woginakhik, iginakhik, hagakhe dogogun motok dek o. Mekeat he, it malaikat pogot oba meke welageikharek iti hakeneat dogogun o.

Uang pemerintah hasik 'busak meke etnogo nileken hak nen inugutneani,” iluk isikhemo uang etnogo ageikhe wogokhukhama, at nen he, “Yi tha elokhoken hagarek oba etaga holal waganek werek?” iluk yogeisasikhemo, it nen he, “Ithi Kaisar at o,” iluk yogokhukhama, at Yesus nen, “Kaisar ameke halok he, Kaisar wogokhik, Allah ameke halok he, Allah at wogokhik, hagasusak o,” iluk yogeisasikhemo