Popular Bible Verses from Lukat 12

Share

An aap aret nda'nagagirak nogo oonegen ndi paga woroorak nombaka'lek kiigak, woraagin aret me, kit kunduk mondok li'luk eeppunuk, logonip o,” yinuk, yoragagerak.

Kit aa'nduk Ala abu'me pinagarak, Ao, mba'nuk, mugurok nogwe kiinok, ti mendek abok aret oba lunogo wokkirage kaamunggup o,” yinuk, yoragagerak.

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Kinamendek kuwak eerak wonage me, kiniki kunduk, time aret logogin o,” yinuk, yoragagerak.

Kit ambi kambuurak eyom panggoni wagaarak kagak, Neenik ambinom logonuk, kambikit, mba'nuk, kiniki koonit nugwi paga ndak-ndak eekkinake kaamunggup mbakop?

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

Kineeruwak kunduk abok aret at Ala eenggi lingginik menggerak o. Togop me, towe mbuulogwe ineebe apit lambuk togon at iniki kundugu lek negen kwe, kit perak, at iniki kundugu nggwok lombok kinombake menggerak me, kinagabiti mbako logogup o,” yoragagerak.

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Towe ya'ngge-ya'ngge eeko menggaarak nogo liippinip o. Awi yakkologwe, anggen mbanggologwe, ti eekulik o. Ndi, anggen mbanogo pi unggwogo menggam o kunduk, lek mban kwe, at Ala nen inambi wogorage menggerak. Towe ti, at iniki kundugu mbuuluk negen kagak, Ala nen inambi wogorage menggerak kwe, kit perak, at iniki kundugu lombok me, wokkiraagin lek mbako ogotik? Wokkiraagin aret o.

Togop me, Ninambi-ninagi nano namun? yinuk, kiniki koonit nugwi ti, mage o. Kiniki piirik logogup o.

Iri'ngga-kale'ngga endekem yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki at Ala oba panggombunuk, liirogon abet mbaka'lek mendek yi, kit mondok iya lombok eeppinagage, eerigin lek mbakop?

Yi eekwi ndi eekwi nobarak wonage kenok, tena'me aret age, ndi, kiraarak wonage kenok ti, pagak ari, eerigin o.