Popular Bible Verses from Lukat 20

Share

Yorage mbareegi, it nen, “Lek o. Ti Kayitat aret o.” Yogo mbareegwa, at Yetut nen, “Ndi, ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o,” yinuk, yoragagerak.

Yogo mbareegwa, at Yetut nen it pegiige nagagerik, wone yorage logonet, “It yugum o wuko menggaarak nogo nen, O wuko logonet, yugum ambi mbo pereegwaarak nogo, Yugum ogowa ndoonnaga o, yinuk, yereegerak Ala wone liiru mbanak nogo ti, ngge nduk mbaneegerak mbakop?

“It Ala wone liiru mbanak unde nogo nen kinambokan laganggwi iyo, kiniki tum wakkologo logonip o. Inambogoyum yo'mot langgumbunuk nugwi, yi mendek ndi mendek kunggo menggam time, Nit mban keyage wappinanuwak, mbakwi, eeko logonet, it Yakuri tamban eeko menggam aap nggwok kwi'nogo menggam kwi'nogwe, laago nggwok lako logonet, aap yo'nggok kwi'nogo menggam mban kwi'nogwe, eeriyak inikilom mbako menggaarak. It aap ti, kumi togwe inamendek tigippugwi, aakumi iya inombaruwak nduk, tamban nggorek aret eekwi, eeko menggaarak ti paga, it aakumi ando maluk onggo mbuuluk inoba piige logonet, it aap ti perak, inomaluk onggo nggwok aret inoba piyaagin o,” yinuk, yoragagerak.