Popular Bible Verses from Lukas 10

Share

Igogou, Ngohi o kuasa tinihike nginika, la ngini aku niapito o ngihia eko o hai sosolota, de lo nanga saturu manga buturu dangodu-ngodu. O nyawa moi lo asa upa nidabo.

O Jou Yesus wotemo, “We, Marta! Ngona gena ma ngale o moi-moi idala nosihawateri de ani sininga iruwahe. Duma kanaga ma lamo ka ngai moi kiaka bilasu ngona naaka, ena gena o Gikimoi Awi demo nosigise. Nako ani nongoru muna manena daloloha mahirika, de asa yaakuwa o loha magena yadehe munano.”

De o nyawa magena wosango wotemo, “ ‘Bilasu nowidodara o Gikimoi, to ngona ani Jou, dede ani sininga ma buturu de ani pade ma buturu dangodu nosikomote.’ De lo ‘Nadodara ani dodiao maro ka to ngona ani rohe masirete.’ ”

Una wotemo onaka, “O nyawa yadadala la yodupa o habari daloloha yoise, ona magena imatero maro o tamo daoosaka gena bilasu yautu, duma kanaga youutu ma nyawa yadalawa. Komagena so ngini bilasu nimasigaso o doro ma duhutuka, de nigolo la ma ngale yobiuutu una wasulo la ona itagi awi doroka youtu.

O Yesus o ade-ade magena wosijarita dabolo, de Una wisano o guru agama magenaka wotemo, “To ngona ani dakolo idodooha. Nakoso yaruwange ona magena, naguuna igogou waaka o nyawa wikokooraka gena, ngaroko winako waasi, duma wiriwo maro ka awi dodiao moi.” O guru agama una magena wosango, “O nyawa una magena iwiririwoka.” O Yesus wotemo, “Notagi bato, de naaka maro komagena!”

Nitagi bato, duma nimasidodiahi, sababu Ngohi tinisulo nginika la nitagi niakahika o bi nyawa ma dorou manga sidongirabaka. Ngini nimatero maro de o bi duba so kanaga o bi kaso labara ma dongirabaka.