Popular Bible Verses from Lukas 12

Share

Komagena lo ngini bilasu nimajaga nisidodiahi la Ngohi nidamaha, sababu ngini nianakowa ma orasi muruoka de Ngohi o Nyawa ma Duhutu asa tomasidiado.”

So o kia naga ngini bilasu niodupa niamote, ena gena: o Gikimoi Awi pareta ma rabaka nigoge. Nakoso magena niamote, de o bi moi-moi nia kurangi ma somoasi asa Una winihike nginika.

Dabolo de wotemo yadadalaka, “Nimasidodiahi de nimajaga, la o dunia ma arata gena upa niodesere. Sababu ngaroko ngone nanga arata idala, duma o arata magenano nanga oho ma sanangi asa pamakewa.”

Sababu kiaka bato ngini nia kaya niadiahi, done kagena lo to ngini nia sininga yogapala.”

Ngaroko ngini nia sininga iruwahe so niamalo isusa gena, dadoohawa. Sababu ngini nia siningaka salalu ka o bi moi-moi idadala nisosininga, duma to ngini nia umuru gena ka o putu moi lo nidogo niaakuwa.

O Yesus wotemo Awi muri-murika, “Kanaga de ma sababu so Ngohi totemo nginika, upa nihawateri eko nitemo, ‘O kia asa poodo.’ Upa he nihawateri eko nitemo, ‘O baju kia asa pomasipake.’

De nako ngini gena o Gikimoi winisininga ifoloi. Una ngini wininako daloha, so nia hutu ma dala lo Una waeto de wanako dangodu. So upa nimodo. Ngini winisininga de nia ija gena ifoloi de o bi namo totodialiki bai!”

Ngini kanaga Ngohi imomote, gena ka nimuruo naga. Ngaroko komagena, upa nimodo. Sababu nia Baba o sorogaka wodupa so ngini winihirika la nidadi Awi nyawa-nyawa to Una Awi pareta ma rabaka.

Hika niosininga o bi namo wogo gena. Maena gena idatowa, iutuwa, de lo ma pola eko ma tahu lo ihiwa. Ngaroko komagena, o Gikimoi gena kanaga so o ino lo wahike onaka. Duma ngini nia oho to Una Awi simaka gena ifoloi nidoku de o bi namo ma oho, de Una lo asa ngini winipalihara ifoloi daloha de o bi namo wapalihara.

Komagena so upa ka cawali o kia asa niodo de niudo magena bato niososininga. Upa he nihawateri.

So nakoso ka o dumule, kiaka kanaga o wange manenaka ioho de ilangika asa yatupu so daukuka, gena o Gikimoi ma loha wogaka de ngini manena lo kanaga de nia boloika. Una ngini winipalihara ifoloi daloha bai! De dadoohaso ngini Awi palihara gena niopiricayawa.

Igogou, o kia naga yaiihu, magena dangodu o nyawa manga simaka done asa ka isikelelo, de lo o kia naga itotalake, magena dangodu done asa ka ipelenga la o nyawa yanako.