Popular Bible Verses from Lukas 7

Share

So ma ngale ami dodara ilalamo magena, so igogou-gogou ami dorou idadala gena isiaponguka. Duma o nyawa la kanaga manga dorou isiapongu de ka ma cunu, de ona magena lo yadodara ka ma cunu.” Dabolo de Una wotemo o ngopedeka muna magenaka, “To ngona ani dorou tosiaponguka.”

De Una o ngopedeka muna magenaka wotemoli, “He, Ai awa! Sababu ngona noipiricaya so ngona ani dorou nisalamatika. Notagi de upa nohawateri sababu to ngona ani dorou ihiwaka.”

Maaho de mogogeku o Yesus Awi dohuka, de asa moari. Una Awi dohu magena de ami kongo mosipesaka. Dabolo de ami hutu lo asa Awi dohu maese la dadudu, de mahame, de lo o gososo dabobou gena moguse de mosidahu.

so ngohi tobaraniwa tahino Ngonaka. Nakoso daloha, tanu hitilahi Ngona nopareta ka o demo o dola moi de ai leleani gena asa wilohaka. Sababu ngohi lo tamote ai bobareta manga pareta, de kiaka kanaga lo ai prajurit-prajurit ai pareta lo yamoteka. Nako ngohi tosulo o prajurit moika, ‘Notagi!’ de igogou una wotagi. Nako ngohi tosulo ai prajurit ma somoaka, ‘Nahino nonena!’ de igogou una wahino. De lo nako ngohi tosulo ai gilalo woleleleanika, ‘Naaka manena!’ de igogou una waaka. So komagena lo Ngona, Baba, so upa he ai tahuka notagi. Cawali Ani demo o dola moi kanena nodedemo, de igogou kadoka ai tahuka asa isiganapu.” Kagena de o Yesus ma kapita awi demo gena woise, de Una wohairani icarawa. Komagena so womakiliho o bi nyawa yadadala iwimomoteka de watemo onaka, “Awalele! Ngohi totemo, igogou o bi Yahudika ma nyawa kagena o Israel awi ngopa de awi dano manga sidongirabaka, maro o nyawa una manena awi piricaya ma lamo komanena, gena o nyawa moi lo tamake waasi.”

O orasi magena lo o Yesus o nyawa ipopanyake yadala wasilohaka, yakokitoka yadala manga toka wadusu la imahoi, de lo ipipilo yadala wasiloha so imasigeleloka. Magena de o Yesus wosango wotemo o Yohanes awi nyawa yasinoto ona magenaka, “Nilihoka de niododedemo unaka o kia niakokelelo de lo o kia niiise: o nyawa ibipipilo imasigeleloka, ibilulugu itagika, yabipapado yalohaka, de yabitotopongo imasigiseka, de isosone yasioho kali de lo o habari daloloha isihabari o bi nyawa isususaka.