Popular Bible Verses from WUNGGULI LOMONGO RASULU 2

Share

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

Wolo moo̒olohu timongolio hipo balajalia tulusi lonto mongo rasulu wau laito hemo tia̒mbu pee̒-pee̒enta. Timongolio hemo lamelo pee̒-pee̒enta wau hipodua̒wa pee̒-pee̒enta.

Timongolio ngoa̒amila kiluwaasa lo Rohullah, wau malo lumula lobisala todelomo bahasa wewo u hidala-dalaala. Timongolio helo bisala lodudua̒ wolo uilohi lo Rohullah boito u lapalia mao̒ limongolio.

Debolo dungo-dungohei tingohe lonto hulungo debo odelo dupoto daa̒ hihiipo. Tobele tou̒toonu tau-tauwala boito donggo hihuloa̒a, ngoa̒amilalo lopolu lomola lotingohe boito. Tulusi timongolio loo̒onto didii-lawaalo debo odelo dei̒to tulu lotia̒lapo ode utoonulalo mao̒ wau lea̒ito toli mongolio ngota-ngota. Timongolio ngoa̒amila kiluwaasa lo Rohullah, wau malo lumula lobisala todelomo bahasa wewo u hidala-dalaala. Timongolio helo bisala lodudua̒ wolo uilohi lo Rohullah boito u lapalia mao̒ limongolio.

Timii̒du dulahu timongolio tulusi hemo tia̒mbu to Bele lo Eeya; wau hemo lamelo pee̒-pee̒enta, wolo hiwengahe wau hidupapawa lohilao to bebee-leyaalo limongolio. Timongolio tulusi hipomuji-mujia Allahu Taa̒ala wau aahudu lotaa ngoa̒amila. Timii̒du dulahu jumulaa limongolio tulusi he oduhenga mola sababu Eeya lohudu ode limongolio tau-tauwalo tadonggo hepo aahuwolo.

Allahu Taa̒ala lotahuda mai, ‘Topulito lojamani Wau̒ mamo luwatai Rohu-U̒ ode ngoa̒amila tau. Mongo walau̒mu talolai̒ wau mongo walau̒mu taabua mamopoo̒taa olemu susuu-aliyaalo u piloo̒taa-U̒ olimongolio. Tahi-muudawa limongoli mamoo̒onto susuu-aliyaalo upilopo bilohu-U̒ olimongolio. Mongo dulaa̒mu mamoo̒ tohiilopo tomimbihu tohiilopo uilohi-U̒ olimongolio.

Tau-tauwalo tapalacaya boito ngoa̒amilalo tulusi hemo tituwau wau wolo ulowali miliki limongolio, hepilomake limongolio pee̒-pee̒enta. Timongolio helo potali babaa-langiyalo wau halata miliki limongolio, tulusi helo laya-layadeo̒ doilio towolota limongolio ngoa̒amilalo lodudua̒ u palaluo lo tahingota-ngotaawa.

Towakutu boito, taa u mongiibodu to Eeya mapoa̒ahuwolo.’

Mato lodulahu mamowali modio̒lomo, hulalo mamowali meela debo odelo duhu tou̒ dipolulio mai Dulahu Eeya, Dulahee u udaa̒ wau molamahu boito meidungga mai.