Popular Bible Verses from WUNGGULI LOMONGO RASULU 4

Share

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

Lapatao̒ timongolio yilapato lodua̒ mola, tambati upilo tia̒mbua limongolio boito hilumeulo. Timongolio ngoa̒amilalo kiluwaasa mai lo Rohullah, wau malo bisala wolo buheli daa̒ pasali lohabari lonto Allahu Taa̒ala.

Botia, yaa Eeya, bilohilo mai woloolo mola timongolio longanjamu mongowatotia, wau poluasiyalo mai mongo watotia, mongo wato lo Eeya botie, mopololade habari lo Eeya wolo diila wohewohe.

Ti Isa botieelo u milakusudu lo ayati botie todelomo Kitabi, ‘Botu udiila ilopomakea limongoli mongo pani lohudungu, malo ilaalo lowali botu ulaba-labaalo mopihu.’

Popoo-ngawaa̒alo majalisi lobubutoo̒ boito lolinggolabu loo̒onto obuheli lei Petrus wolei Yahya, tidiyolo mao̒ otaawa limongolio deu̒ rasulu duulota boito yito tau-tauwalo biasa tadiila he osikolawa. Lapatao̒ timongolio bolo longalati mao̒ deu̒ rasulu duulota boito yito tau-tauwolo talo duduo̒ li Isa.

Ngoa̒amila taa palacaya boito hitumula ngohilao wau ngojiwa. Diaaluo penu boli ngota mao̒ limongolio hemo nganggapu deu̒ wolo u mililikilio yito uolio lohihilao. Totoonulalo u hitua-tuawua uwoluo toli mongolio, pilomake limongolio pee̒-pee̒enta.