Popular Bible Verses from PILOTIMUA̒TA 8

Share

Tahi ahalia losihili tilonggo tolopani helomake ilimi losihili limongolio u mopowoluo mai olo lalaa-muo̒waalo, bo timongolio diila ilohasili. Penu boli tou̒toonu olamuo̒, tilinggula tahi ahalia losihili malo loi̒ya odeli olongia, “Utie huhutu lo Allahu Taa̒ala.” Bo ti olongia boito baa̒ngiyolo, wau debo odelo u matilahuda lo EEYA, ti olongia boito diila mohuto momandungi loi̒ya lei Musa wolei Haruna.

Lapatao̒ EEYA lotahuda odelei Musa, “Ponao̒lo mota motaalua woli olongia wau potunggula mao̒ olio tahuli-U̒ botie: ‘Poluasia mao̒ umati-U̒ monao̒ moi̒baadati to ola-U̒.

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo EEYA, ti olongia diila mohuto momaduli loi̒ya lei Musa wolei Haruna.

Wonu yio̒ diila mololimo, lipu botie mapoo̒ poluwo-U̒ mai wolo tumbihe odelo hukuumani.

EEYA lotahuda odelei Musa, “Ahuli mao̒ tei Haruna momolota mola huta wolo tunggudio, yi to ngoilanggubu lipu lo Masiri peaahuo̒ mamo bolio̒ mowali lamuo̒.”

EEYA helopo dungga mai lango u dadaata daa̒ ode bele biluloa̒ saaha li olongia wau ode bebee-leyaalo lo tahidihuma pantungo lipu. Ngoilanggubu lipu lo Masiri helo dutolaa daa̒ sababu lalaa-ngowaalo boito.