Popular Bible Verses from ILOOWALI 32

Share

Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”

Lapatao̒ ualo tau boito, “Huliaalo mai wau̒, bolo ngopee̒ mola dulahu mamobutu mai.” Tametao̒ lei Yako, “Watia diila molopata oli Tuani, ngopohia wonu ti Tuani mobalakati mai olaatia.”

Bo tio malo titolaa tutuwau. Yi malonao̒ mai talolai̒ ngota helo hipate wolei Yako dilumutu ilosubua.

Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel.

Tou̒ tau boito maloo̒ laasa deu̒ tio diila tamoo̒haama todelomo hipate boito, tilaa̒apio tei Yako to poyonggilio, tilinggula leletua lo poyonggi boito loheeide.

“Tatoonu tanggulumu?” yilintu mao̒ lotau boito, “Yako,” tametio mao̒.

Ualei Yako, “Polelea mai tangguli Tuani.” Bo tau boito lolametao̒, “Diila palalu yio̒ mohintu tatoonu tangguluu̒!” Tulusi bilalakatialio tei Yako.

Watotia diila patuti mololimo totoonulalo ponu wau otatapu wau olotolo hilao u mapilopo bilohei lo EEYA ode watotia. Tou̒ watotia lomonggato lobalanga dutula Yordan, watotia diila lodelo wolo-wolo ngopohia tunggudu. Botia watotia luli lonao̒ mai wolo dulo polemboa̒ botie.

Dilumutu botia olo wali mai lo Isirai̒lu diila molamela tapu u molau̒be leletua poyonggi lo binatangi, sababu tei Yako maa ilotuhata lo taa̒apo to poyonggilio.

Lapatao̒ tei Yako malodua̒, “Yaa Allahu Taa̒ala, tahe pujaa libaapu lowatotia Abraham, wau tiyamo lo watotia Isihaka, ambunguolo dungohi mai watotia! EEYA malo poa̒hu olo watotia luli lohualinga ode lipu lowatotia wau mongo pohutato lo watotia. Wau EEYA lodanti mai mamo ngatulu totoonulalo u hitua-tuwaua duo̒lo watotia.

Aambunguolo watotia momolohone tio̒otutua poa̒ahuwalo mai watotia monto likaka lowatotia Esau. Watotia moohe bolo monao̒ mai tio wau moluhu olo watotia wau mopobinasa olo mongo watotia ngoa̒amila, wau olo mongobua wau tau̒kekeei̒.