Popular Bible Verses from ILOOWALI 37

Share

Tou̒ huilio tuwau tei Yusu loo̒ tohiilopo, wau tou̒ tio lohungguli mao̒ tohiilopio boito ode mongo hulangio, bo iloduhenga lonui̒ mongolio to olio.

Tei Yako lebe motolia̒ngo olei Yusu wolo ngoa̒amila walai̒o uwewo, sababu tei Yusu pilotutulio mai tou̒ tiyamolio mapanggola. Todulahee tuwau pilohutulio odelei Yusu jumba tuwau u mopiohe daa̒.

Lapatao̒ mongo hulangio lei Yusu loo̒onto mao̒ deu̒ tiyamo limongolio lebe motolia̒ngo olei Yusu woli mongolio, yi malo lonuo̒olo mola timongolio to olei Yusu, tilinggula diilalo mohuto timongolio mobisala mopiohe wolio.

Lapatao̒ tei Yusu luli loo̒ tohiilopo wau pilolelelio mao̒ ode mongo hulangio, “Watia luli loo̒ tohiilopo, watia loo̒onto mato lodulahu, hulalo wau mopulaa tuwau poliyama losujudu mai to olaatia.”

Mongo hulango lei Yusu helo hiihia to olio, bo tiyamolio debo hemotolo mikilangi mola tohiilopo boito.

Uti-utieelo u yilungguli mao̒ lei Yusu olimongolio. “Nte dungohi mai! Watia loo̒ tohiilopo ito ngoa̒amila donggo to halabolu hemomau̒ pale, lapatao̒ pale lowatia tilimihula mola motulidu. Timii̒du pau̒ limongoli lomalita pau̒ lowatia tulusi losujudu to olio.”

Ntali pateento tio mate-mateelo mao̒ wau pomahulonto milatelio ode delomo ali u mohengu. Demaa polelento mao̒ deu̒ tio dilangapo lo binatangi u mongantau. Demaa bilohento woloolo mola waliilio lo totoo-hiilopio boito.”

wau tou̒ dengolo lota dahangi lo Midian yilumaodeo̒, tei Yusu yilualio mai lomongo hulangio lonto ali boito, lapatao̒ pilotali limongolio ode tau lei Ismai̒lu boito wolo halaga dulo puulo pita doi talaa̒. Lapatao̒ tio madilelo lo tahi podahangia boito ode Masiri.

Loi̒ya mao̒ limongolio ngota timongota, “Bilohi, tamoo-tohiilopoa boito nao̒nao̒ mai.

Lonto u molamingo timongolio maloo̒onto olei Yusu, wau tou̒ tio diipo tilunggulai ode limongolio, timongolio malo heeluma u momate olio mate-mateelo mao̒.

“Pomahulontolo tio ode delomo ali tohuta datahu wau luasi wau udelita botie, bo diila mao̒ patea meaalo palia tio.” Sua̒li boito yiloi̒yalio sababu tio o makusudu mopoa̒ahu olei Yusu wau mopoa̒hu mota olio mohualingolo ode bele.