Popular Bible Verses from MARKUS 13

Share

Nen, afuni mondogaren an nenu imbik, hit he at agoromi iluk hinebe inabit mondok hilinghinobagagun o. Meneat he, sa nen afe morogo logogin halok he, o wurep oba Allah nen ebe teligin o,” iluk yagaisasikhe.

Mera hilinglasigin hit hinonggorat andi nen he, hinobabut hebelogo kagalek logoino o.

Hit hinenggi hele warogo wene inoba figik, kotik, agarek oba wokhinarek lagunem hiren he, An nen wene onggo ninggi'nogo igin, iluk hinendawinggen fitubo. Wene onggo hit hendawimo nen kagalogo ugun lego. We Allah Areagun nen, yi'nogo ini o, iluk andi sambul yagahisagain meneat yagaisogoin o.

Pogot inom kweang inom mondogat legasigin meneat he, an nane andi legasigin lego mondogat logogin,” iluk yagaisasikhe.

At Yesus nen a'nogo yagaisasikhesik wene ekhe mel yagaisasikhe: ”Hilinglasigin andi, o yi sambul, jam tiba hilinglasigin iluk, nit mondogat ninonggot enek. It malaikat Allah nen yonggo pelakfisa wagarek mene omanogo inonggorat. Nen an nebe at Allah amlogo meneat he, nonggoraro. We an neisena alegat elu o.

A'nogo hilinglagu kwelek, weim horogat yafunem inane hinesanggo holhik, yatma yafunem inabok holhik, ikhi logolik he, hinendawinggen abolok ugubo. A'nogo hilinglasigin meneat he, o wurep oba hilinglasigin mene andi oan aro.

Andi hak hit hineilenggen fanorogo logoino, iluk yagahisigi andi, hinoe Enupogot awi eisewerek mene a'nogo ambotkwe wesigin andi mera wesigin. O sebe-sebe wesigin a? Nogo ninobabe le'ma wesigin a. Hup tulem wesigin a? Sue ane ugu kwelek wesigin a. Hit he hinonggoro. O ti sambul wesigin he, hinonggot andi nen, wonogat nogo ugu kwelek hisa wesinogo nen he, hinobabut hebelogo logobagaigeluk, yagahisigi o. Hit yagahisigi mene andi re afuni mondogat inomat yagahisigi o,” iluk yagaisasikhe.

Yi afuni ti afuni inunggulenu lombok weim kagalhik, ugun. Weim kagalhunem he o yi awi ti awi lugul langet higik, sumburu ouwak agik, igin meneat he, andi re, hemi omalik taginabuogeluk inambot heinet watarek andi hak, attagat hogoin he andi aro.

Mene re, wene fano wene yi, yi afuni ti afuni inunggulenu lombok yagaisilik lagep halok he, wurep oba arat hilinglasigin o.

Afuni inebe hokhorogo nenat inenu an nenu mene salogo yi'nogo yagahisilik wesugun: At wesigin isukwa a'nogo an nebe wagi yi aro, iluk inane eberogo mene hak afuni hokhorogo lalinabik wesugun.

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.

At Yesus nen a'nogo yagaisasikhesik he, ekhe mel yagaisasikhe: ”Weak hokhorogo hogoin andi mondogat hamo nen, hobuk he, o mo mum agik, tugi yati'lek kamo igik, hesagal pogoroba nen lologo pi wagik, it pogoroba inomame hokho welagaikharek mene andi Allah nen inabologet higik, igin o.