Popular Bible Verses from LUKAS 17

Share

Moko ta lii ke Yesus pa ddau do naanne, ”Kaddhi we au jhe kako we, taga tari do parahajha ke au pa Ya, ie ke au.”

Kinga tao no lubhu harro nga menyilu penaja nga au pidu wari pa dhara helodho, jhe hadhi tao no dakka la nga au, jhe la lii, ’Ami ta pehuba ya’, pehuba we no ri au.”

Heddau ti telora ro, ta toi ri no ta do ie ke no, ta bhale ke no nga wue-waje Deo. Moko ta dhai no la hedhapa Yesus ta mejura ke no, jhe jhula kolo lii ie-ae pa Yesus. Ne ddau do naanne heddau do Samaria.

Rowi do mina harre ke, meniga we pewoie-ie! Kinga tao tuahhu lubhu harro nga menyilu, peware we ne kattu no. Kinga menyaha no, pehuba we no.

Ta lii ke Yesus, ”Ngine ne, adho do henguru ddau ne do alla ke peie? Hhai ke la mii ne do heo ddau he?

Ta bhale ke ri Yesus, ”Kinga era mu nga lua manno nga kaho mii worena namuhi wohajho he, do nara ke mu ta lii mina hedhe pa kepue ajhu do nadhe, ’Bhita-anni we au ngati dhe jhe la halla-anni we au la dhara dahi’, do tatu ke ta pedute ne lipereda au ri kepue ajhu do naanne.”

Ddau do ddhei ta pehelame ne muri mada no, do ta ele ngati no. Tapulara ddau do ele ne muri mada no, do ta pehelame ne muri mada no.

Ta lii ke Yesus pa ana hekola No he, ”Lai-lai do pekedune ddau la dhara lubhu harro nga menyilu do tatu ke ta do medae ta era. Tapulara apa nga kerewe tu ddau do tao lai do naanne! Do rihi ne woie kita akke ri wowadu geho pa lakoko no, jhe nynyake la dhara dahi, ngati taga no do nara ta pekedune heddau ti telora naiki do na hedhe tu ta tao lubhu harro nga menyilu.

Pa awe ta peteleo ne lodho Ana Ddau Raiwawa ne hine, hala dho ke mii pa awe Nuh do uru he. Ddau nga'a-nginu, banga-ammu, mii pa tima he nga do dho bhule nga pengaha lohe la awe maho ne Nuh la dhara kapa ne, jhe lale dahi jhe pemade hari-hari ddau.