Popular Bible Verses from 1 iziKronike 16

Share

Funani uJehova namandla akhe, nifunisise ubuso bakhe njalo.

Bongani uJehova, ngokuba muhle, ngokuba umusa wakhe umi phakade.

Bongani uJehova, nibize igama lakhe, nizazise phakathi kwabantu izenzo zakhe.

Zibongeni egameni lakhe elingcwele; mazithokoze izinhliziyo zabamfuna uJehova.

Khumbulani izimangaliso zakhe azenzileyo, nezibonakaliso zakhe, nezahlulelo zomlomo wakhe

Hlabelelani kuye, nimhubele, nikhulume ngezimangaliso zakhe zonke.

Ngokuba mkhulu uJehova, udumisekile kakhulu; uyesabeka phezu kwabo bonke onkulunkulu.

Mnikeni uJehova inkazimulo yegama lakhe, nilethe umnikelo, nize phambi kwakhe, nikhuleke kuJehova ngobuhle bobungcwele.

Udumo nobukhosi kusebusweni bakhe; amandla nokuthokoza kusendaweni yakhe.

Hlabelelani kuJehova, mhlaba wonke, nimemeze insindiso yakhe imihla ngemihla.

Landani inkazimulo yakhe phakathi kwabezizwe, izimangaliso zakhe phakathi kwabantu bonke.

ethi: “Ningathinti abagcotshiweyo bami, ningoni abaprofethi bami.”

Ngokuba bonke onkulunkulu babezizwe bayizithombe, kepha uJehova walenza izulu.

Khumbulani isivumelwano sakhe kuze kube phakade, izwi ayala ngalo izizukulwane eziyinkulungwane

Malijabule izulu, umhlaba uthokoze; makuthiwe ezizweni: UJehova uyinkosi.

Makabongwe uJehova uNkulunkulu ka-Israyeli, kusukela phakade kuze kube phakade. Bonke abantu bathi: “Amen,” bamdumisa uJehova.

Mnikeni uJehova nina mindeni yabantu, mnikeni uJehova inkazimulo namandla.