Popular Bible Verses from Yohanes 12

Share

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Sane dom, ye gato bi sukjimnut sye wa an dakai kem ndo mo bur ré, bergan an kwop re. Sarewo ye gato bi sukjimnut sye kas subot an dakai nde, wo an bi an nggwa wa ye yi mo bur ré it yo, bere ye ne kem gesyos, bere an kem ndo to kapyo mato kapyo.

Suk gato Ji ki ré suksangge anare, men nai fas gro wa men jan, ete fas gro dik sor ye yo jan nde yo, gro dik anane sor re. Sarewo men nai fas gro dik ne, ete men jan, bere sukjan ne kom, ete bere syesyar i-gro mwa.

Ji ma mo bur ré tepsu rer ku nje mo bur ré subere yé bok ne sino gato onyar kem mo Ji it yo, án yo kem mo ndendu o nde.

Ye to jam Ji bi sukdu, orete an yo benbot nde yo, Ji dakai yo syo sukye nai an nde. Ji yo ma mo bur ré wa Ji syo sukye nai yetu nde, wo Ji ma kak os ndo wa nin yetu subere nin kem ndo to kapyo mato kapyo.

Orete Lazarus bi nyanggon Maria gwat manik narwastu botol napyo ma. Maria syé manik ne mo Yefun Yesus gwes. Manik ne grik ndo. Manik ne bi sugum sye. Maria syé manik mo Yefun Yesus gwes sa, mom singgri sa su mom sugo. Manik grik mo nu gato Yefun Yesus kem mone sino.

Sane yé mwa ne nai beibir nat, ete án mu mo os wa án kar Yefun Yesus. Yé mwa ne mubot os saresa, án saiye do, ”Men un Yefun Allah et! Ye gato Yefun Allah syogat ma ré, Yefun Allah ben sukndo su An et! Yefun Allah, Nan ben sukndo su Ye ré, ye Israel bi yeraja et!”

Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it.