Popular Bible Verses from Yohanes 19

Share

Yefun Yesus da nau rom or sa, An ki do, ”Tut more it.” Orete An su e mo bur, An mas bok it.

Yefun Yesus jam do, suk mwa gato An ben ne, An ben or it, ete An ki do, ”Ji sosa,” subere sukdu gato yé krom mo Yefun Allah bi sukdu subot An bor mone re.

Yefun Yesus sokme An bi im si An bi pakon gato An jimnotku ne ti mone. Yefun Yesus sokme an we sa, Yefun Yesus ki nai an bi im do, ”Im o, nan bi pa anane it.” Orete An ki nai pakon ne do, ”Nan bi im anane it.” Kadit kam gane it, pakon ne mewa Yefun Yesus bi im. Yefun Yesus bi im si pakon ne kem mo pakon ne bi nu-i.

Sarewo yesukmise mu kom mo Yefun Yesus, án me sa, Yefun Yesus kwop re, sane án yo syat Yefun Yesus gwes nde. Sarewo yesukmise ge dik yo syer Yefun Yesus syak su yor. Sugane syur si An dé sino syé kadit An syak wip ne.

Yesukmise ben suk ne nai Yefun Yesus subere sukdu gato yé krom suga nyim subot An mo Yefun Allah bi sukdu ne bor re. Yé krom do, ”Bere ye yo syat An dini dik yo fot dom nde.” Yé krom mo Yefun bi sukdu o do, ”Bere yé sokme Ye gato yé syer re.”

Yefun Yesus mu mo nden saresa, An sam An bi kwesukwin mu mo pe gato gum do, ”Yekri subris.” (Su a Ibrani yé kendo do Golgota.)

Yesukmise ne nai kweran gato jak mó, ete án far kweran ne bot yu. Orete án bom mo Yefun Yesus su. Orete yesukmise nai yekwesu bi san gato te kur, ete gwom mo Yefun Yesus.