Popular Bible Verses from Lukas 15

Share

Sane, pa ne mu kadit pe ne re. Pa ne satu mu mo pa bi ai. Pa mu karowa pa bi ai bi nu sa, pa bi ai sokme pa ma it. Yenggras ne do me an bi pa ma sa, yenggras ne jimnotku pa ne ndo nde. Yenggras ne kas mu ku bi pa. Yenggras kambrut an bi pa, an i pa, an baput mo pa kwanke.

Ji nut do, ji bi pa gato mu ré kwop re, sarewo pa ré mbau o re. Ji nut do, ji bi pa ré muri re, an yo ma o nde, sarewo an satu ma ku ji o re.’ Sane pakwerut benbot suk gato yenggras ki ne. Yé mo nu ne konwa pa gato satu ma ne.

Sane dom yetu ge dik yo kwet kadit sukibit gato an ben ne, ete an brek ma jammo Yefun it yo, bere Yefun Allah mo gu mit at wa yetu ge dik ne wai kadit yetu ge musyu musi sop musi gato ben sukndo tepsu Yefun mit, ye gato kwet suga nyim ne wé re.”

Sa ndo sa, ji mu satu mo ji bi ai sor. Ji mu kom motu yo, bere ji ki nai ji bi ai sare do, ”Ji bi ai, ji ben ji bi suk-i siri kadit Yefun Allah mit, si ji ben ji bi suk-i siri kadit nan mit dom.

Orge pa ne ki do, ’Ai o, ji ben ji bi suk-i siri kadit Yefun Allah mit. Ji ben ji bi suk-i siri kadit nan mit dom. Ji gum yo tepsu nan bi pa o nde.’

”Nin ge dik yo bi domba ge wotin dik, ete domba ge dik yo do muri yo, sane bere ye ne ben suma ne? Bere an mu kadit ge musyu musi sop musi mo pe gato domba git sugit mone, ete an mu meret ge dik gato muri ne sane sor an ku et.