Popular Bible Verses from Lukas 17

Share

Orge Yefun Yesus ki nai ye ne do, ”Nan ti, nan mu et. Nan onyar kem mo Ji anato nan ge re.”

Nin bi nji ne do ben sukibit ma nai nin, ete an ma ki do, ’Ji yo ben sukibit sane nai nan o nde, ji kwet it.’ Or o, kam dik yo nin bi nji ben sukibit ne nai nin sane sor kom mo wam mufit, ete an ma ki do, ’Ji kwet,’ wam mufit sane yo, nin maskwa an mo sukibit gato an ben ne o nde, nin nutbot o nde.”

Yetu ge dik yo mone, an jam nggwa do, suki ré or kadit an it anane, sane an brek satu ma mo Yefun Yesus. Ye ne satu ma saresa, an un Yefun Allah, an wi an ambre. Ye ne ma kom mo Yefun Yesus sa, an bare nggwa mo Yefun Yesus gwem, an un Yefun Yesus, an ki do, ”Ndo mo Nan.” Ye ne ye Samaria.

Sane yo nin mewa nin dakai, sawe nin ben ye yi ges mo os ibit. Nin bi nji ben sukibit ma nai nin yo, nin ki an mo sukibit gato an ben ne. Nin bi nji do kwet kadit sukibit gato an ben ne yo, nin yo maskwa an mone o nde, nin nutbot o nde.

Orge Yefun Yesus ki do, ”Ji ben yetu ge musyu dik ge kadit bi suki ne. Yetu ge dik sor satu ma ki ndo mo Yefun Allah, wo ge musi ne mo u ne?

Yefun Yesus ki nai án do, ”Nin onyar kem mo Yefun wokgan sor re, saga sawi gro wokgan ne, bere nin ku suktinggi tep wa nin syogat kwe ap ré do, ’Nan tik nan ke buk kadit bur, nan mu ti, ete nan kom mo sem et!’ Sane bere kwe ap ne benbot suk gato nin ki ne.”

Ye to bi sukjimnut sye wa an dakai kem ndo mo bur ré yo, bergan an kwop re. Ye to yo bi sukjimnut sye wa an dakai kem ndo mo bur ré nde, ete an bi nggwa mo Ji wa an ben Ji bi suk-i yo, bere an kem ndo to kapyo mato kapyo.

Yefun Yesus ki nai An bi pakon do, ”Suk bok yo ben men yetu ges mo os ibit. Suk gane bere mó, sarewo ye gato gwat os ibit ne ma wa men, bere ye ne ku sukye ndo nde. Ye yo ben pa wokgan gato onyar kem mo Ji ré ges mo os ibit it yo, sa ndo sa, yé rai ye ne syidem dom jok sye krat, ete yé bare an mo sem mo pe gato kru subere an rap mone. Ye ne kwop anato ndo wai kadit an ben pa ges mo os ibit.

Bere kam gato Yetu bi Pa ma su ne tepsu kam gato Nowak kem mo bur ré. Su kam gato Nowak kem mo bur ré, yé git sugit e, yé da syur e, yé kra yu e ne. Yé ben suk gato sagana án ben ne sane sor kom mo kam gato Nowak sok mo bi kwem mit ne. Orge Yefun Allah ben syur syé ma gu yé mwa ne kwop or.