Popular Bible Verses from Lukas 2

Share

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Sane, malaikat ne ki nai án do, ”Nin nyu nde. Ji ma wa ji frot Yefun Allah bi suktaru nai nin. Suktaru ré ndo wai o re, bere nin si yé mwa ne sino mit at wa sukdu ré.

”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Sane Yefun Yesus sye o, An jam suk mwa wai o. Yefun Allah iwa An, yetu dom iwa An.

Bere nin jam Pa ne sare: yé nggwot pabom ne su san det, ete yé grem Pa ne sem mo suk gato ka sa ndurbe, gato sagana yé grem suksi bi sugit mó. Nin do ku pabom ne sa, nin jam do, suk gato ji ki ne sangge.”

Mo Betlehem ne, ye gato mewa domba, án mewa domba mo nden karowa Betlehem. Sane noru ne sa, án sem mo nden mewa án bi domba kadit suge krok e ne. Su noru ne, án gensu malaikat dik yo ma ku án. Malaikat ne ma sa, tepsu sukru sye gato rer-rik kadit Yefun Allah rer ku bur. Sane yé bok ne sino nyu ndo nde.