Popular Bible Verses from Lukas 22

Share

Yefun Yesus ndek mo Yefun Allah do, ”Ji bi Ai o, Nan imo yo, Nan nai Ji wé kadit sukye gato bere Ji ku ré et. Sarewo Nan jammo suk gato Ji iwa ne nde, wo Nan dakai fro pe ne tepsu Nan dakai imo. Bere Ji benbot suk gato Nan imo, Ji yo ben ket Ji i nde.” [

Sarewo Simon, Ji ndek Yefun Allah wa ós nan, subere nan onyar kem pe mo Ji mo sukye ne, subere nan misyar Ji nde. Kapre nan ges mo os ibit mo sukye ne yo, bere nan kwet kadit, ete nan duno nan bi nji mo Yefun Allah bi rus-i, subere án onyar kem mo Ji nggi wai kadit nyim ne o re.”

Orete Yefun Yesus nai roti. An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Ji ku anare. [Ji syo Ji kaim ma kwop tepsu suktot wa sukibit gato nin ben ne. Sane nin benbot suk gato Ji ben ré subere nin napawa Ji.”

Sane dom, án sino git sugit, or Yefun Yesus nai sukbo su nau anggur, ete An ki do, ”Nau gato ji sye wa nin ré anato tepsu Ji dé gato bere sye ne subere Ji kak os gato be wa Yefun Allah nai nin gum sok mo An bi rus-i sagato An tom ne.”]

Yefun Yesus kwabom dek subot sukye gato bere An ku ne, sane Yefun Yesus ki suk su Yefun Allah sisu sangge sane sor, An babrut ndo nde. An babrut ne sye mo bur tepsu yetu dé.]

Sarewo nin ré, nin ben nin bi suk-i sane nde. Ye gato gum kok wai mo nin yo, bere an bes an nggwa tepsu yepasye nde, wo an ben an nggwa tepsu pa wokgan gato gum wok mo bur. Sane dom ye gato jowa nje yo, bere an bes nggwa kok nde, wo an ben suk tepsu pakwerut wa an bi rus sino et.

Yefun Yesus ki do, ”Petrus, Ji ki sare do, ber noru ré, ndam kokor yo ké nde tó, nan rewa Ji, bere nan ki do, nan jam nde Ji sor kom mo wam gri re.”