Popular Bible Verses from Lukas 8

Share

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Mbet gro gato ges mo jak miten anato tepsu yé gato but sukdu ne, sarewo án bi sukjimnut sye mo suk mwa mo bur ré, án jimnotbot suk mwa gato men yetu yémo sato sugit e san e sugum e ne. Án iwa ku suk mwa, án meret suk gato ben án mit iwa sor re. Sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, i-bo yo mo nde.

Mbet gro gato ges mo bur ka gato jok mwa ne anato tepsu yé gato jam Yefun bi sukdu ne ete án nai Yefun bi sukdu ne mo án mit. Diksim án iwa, sarewo sukdu ne yo kem pe mo án mit nde, tepsu mbet gro ne i-brot yo kom mo jok nde. Diksim án jammo sukdu ne, sarewo bergan sor suk yo do tik án mit wa án ges mo os ibit yo, án misyar sukdu ne or re.

Orge Yefun Yesus ki nai An bi pakon do, ”Nin yo onyar kem ri mo Ji nde tó wa suma ne?” Pakon bok ne sino yeket suk gato Yefun Yesus ben ne. Pakon ne kwabom kro, ete án ki nai yu do, ”Mban! Je u ana ré ne? An syogat nofuf si em nap, ete nofuf si em nap ne jammo An re.”

Mbet gro gato ges mo os mit ne anato tepsu yé gato jam Yefun Allah bi sukdu ne, sarewo biris bi yekwesu ma nai sukdu ne wé kadit án mit or re, subere án yo jammo Yefun bi sukdu ne nde. Sane án yo ku os wa án kem ndo to kapyo mato kapyo nde.

Yefun Allah jam suk mwa ne sino, sane suk gato yé gurik su ré, ri ma bere bor wa yé mwa jam rer, suk gato ye dumik wa yu waré, bere yé mwa jam or re.

Nggon ne jam do, Yefun Yesus jamwa re. Sane, nggon ne kwabom kro, mom ma mo Yefun Yesus, mom tetet, mom bare nggwa mo Yefun Yesus gwem. Mo yé mwa miten, nggon ne nukbot suk gato ben mom anato mom rot Yefun Yesus bi san nap ne. Nggon ne ki do, mom do rot Yefun Yesus bi san nap sa, sugane it mom jam nde suki gato ben mom ne or re, mom ge satu re. Orete Yefun Yesus ki nai nggon ne do, ”Pa donggon, nan onyar kem mo Ji, anato nan ge re. Nan mu, nan kem not sor.”

Sane Yefun Yesus bi pakon sun An, ete pakon ne ki do, ”Yeguru, bergan kwem kru su men it anare.” Yefun Yesus sun, ete An syogat nofuf gato kas nggi ne not, An syogat em nap gato sye ne kro. Yefun Yesus do ndantom nofuf si em nap ne sa, nofuf yo kas o nde, em nap ne dom kro re, em ne kro or re.