Popular Bible Verses from Markus 13

Share

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó yo, bere ye ne kem ndo to kapyo mato kapyo.”

Sane nin frawa nin nggwa et! Nin jam nde kam gato Ji ma su ne re. Nin mewa sor!

Yé gwat nin mu mo yepasye subere yepasye ne ndobot nin yo, nin jimnot teker subot suk gato nin ki ne nde. Nin nokwa teker nde, we su kam gane it yo, Yefun Allah Gen ós nin ki suk mone. Sukdu gato nin jam mo nin mit ne yo, nin ki nai nje sor, we sukdu gato nin ki ne ma kadit nin dakai nde, wo sukdu ne ma kadit Yefun Allah Gen.

Gu nim ne si bur ré bere kru re, wo Ji bi sukdu ne kem sor to kapyo mato kapyo.”

”Kam gato Yetu bi Pa to Ji ré satu ma su ne, yetu ge dik yo jam kam ne nde. Malaikat mo gu dom jam nde re. Ye yo jam bi kam-i nde, ye yo jam bi jam-i dom nde. Ji dakai, gato Yefun Allah bi Gan jam nde dom re, wo Yefun Allah wadigan sor ete jam.

Bere nin jam sukdu subot yé ben sukndi karowa nin, bere nin jam sukdu subot yé gu yu mo peyo-peyo, sarewo nin nyu nde. Bur ré yo kru nde tó, bere yé ben sukndi ete gu yu nyim wé et.

Sane dom nin kem su nin fra, bere Ji satu ma re. Ji anato tepsu yenggras gato mu kadit an bi nu ne. Sane nin jam nde kam gato bere Ji satu ma mo Ji bi nu ne. Ji satu ma su kre bado, su noru mit bado, ndam kokor ke ete Ji ma bado, kam it ete Ji ma bado, nin jam nde re. Sane nin kem su nin fra nin nggwa wa kam gato Ji ma su ne et, sawe kam gato Ji satu ma ne, nin gensu, ete Ji ku nin sem mit. Suk gato Ji ki nai nin ré, Ji ki nai yé mwa ré sino jam dom, ’Nin kem su nin fra et!’ ”

Bere negara deyo futma gu negara deyo o, bere yewis deyo futma gu yewis deyo o mone tó. Bere sui sye juwai bur ré ram mo peyo-peyo. Bere sukonde sye bor mo peyo-peyo dom. Nin me suk bok gane bor it yo, karowa bur ré kru it anane, tepsu nggon gato nukwe i su pa, bere nggon ne kem su bi pa.

Sukdu subot os ndo gato Yefun Allah fro wa nin ne yo, bere yé ki frekbot yewis mwa mo bur ré iwedewe orete yo, bere bur ré kru it anane.

Bere yé mwa ma ki do, ’Ji anato Kristus gato Yefun Allah syogat ma mo bur ré,’ ete kidar yé bok ne sino jammo án re.

Su kam gane ma, nin mewa nin nggwa, we bere yé but nin, ete yé gwat nin mu mo ye Yahudi bi yepasye. Yé gwat nin deyo mu mo ye Yahudi bi nu ari dom, ete ye Yahudi kwam nin su bus mone. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré yo, bere nin ti mo yeraja si gubernur gwem, ete nin ki sukdu subot Ji nai yepasye ne jam.

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi gato ben yé yeket ndo nde. Yé bok ne ben bi suk-i, bergan án ben kidar nje gato Yefun Allah fro suga nyim wa Yefun nai sok mo Yefun bi rus-i, sarewo bere yé bok ne yo ku os mone nde.

”Sukye gato yé mwa ne ku su kam bok neya orete yo, kam su mo gu, bere Yefun Allah te re. Aina bere ru rer o nde. Bi mwa ne ges kadit gu or. Suk mwa mo gu nim ne yo kas ri o nde.