Popular Bible Verses from Markus 16

Share

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Ye gato onyar kem mo Ji ne, bere Ji syo suktinggi nai án subere án ben suk gato ben yé yeket. Bere án ben suk sato ré do, án ki suk su Ji gum wa án syun semda wé, ete bere án ki su a be gato án yo farkorbot nde. Kapre yé ne syimtok siri is kwis gato bi ri mó, ete kwis jau án, bere án yo kwop nde. Yé ne da siri is mut, da siri is kwe kri e suk yo sane, bere án yo kwop nde. Án do ak syim mo ye gato i yo, bere ye gato i ne ge kadit bi suki ne re.”

Ye to onyar kem mo Ji, eteyo yé ras an mo syur, bere an kem ndo to kapyo mato kapyo. Sarewo ye to bariwa sukdu ne, yo onyar kem mo Ji nde, bere Yefun Allah syo sukye nai ye ne mo bot gesyos.

Sane Yefun Yesus bi pakon mu ki sukdu subot os ndo gato Yefun Allah fro ne mo peyo-peyo. Yefun Yesus syo An bi suktinggi nai An bi pakon ne. Yefun Yesus yo misyar An bi pakon nde anato An bi pakon ben suk mwa gato ben nje yeket. Yefun Yesus bi pakon ben suk mwa gato ben nje yeket ne anato yé jam do, sukdu gato An bi pakon ki ne sangge anane.] [

Pa yemsok ne ki nai nggon ne do, ”Nin nyu nde. Ji jam do, nin meret Yefun Yesus ye Nazaret gato yé mban mo kwesukwin ne. An mbau re! An sun re! An yo more o nde. Nin dakai me nat gato yé grem An mone.

Sarewo nggon ka gri ne mu kom motu, ete án ka gri sokme jokwak ne sa, án ka gri me do, jok gato ye grem kewa jokwak syo ne, yé wop jok sye ne wé kadit ne or re. Nggon ka gri ne sok mo jokwak mit sa, nggon ne me pa yemsok dik yo gato it san syu gato kwo. Pa yemsok ne kem mo jokwak mit tak de syim ge. Nggon ka gri ne gen mo pa ne.