Popular Bible Verses from LUKAS 12

Share

Iwetu wo'u komi kana mainga mompopea karataku, sabana Aku, Ana nu Manusia kana marata ante da'a ranjani-njani komi.”

Jadi pekoumo ruru ri ja'i Alatala pade pura-pura etu kana rapakagana ka komi.

Pade nangulimo Yesus ka tau pura-pura, “Pakabelo-belo! Ne'e maino raramu, sabana katuwua manusia da'a nggari kasugina, naupa mbara-mbarana neliu nggadea.”

Jadi pakasadiamo kakalumana ri suruga, sabana ri umba kakalumana komi, ri setu wo'u pekiri komi.’ ”

Da'a ria gunana komi makini rara. Da'a ria samba'a nggari tatongo komi to nompakule mantambai umuruna nau aga sambengi ante makini-kini rarana.

Pade nangulimo Yesus ka topantuki-topantuki I'a, “Etumo sabana Aku nanguli ka komi, ‘Ne'e makini-kini rara mompekiri katuwu komi, bara nuapa to rakoni komi atau pakea nuapa to rapake komi

Da'a aga etu. Wo'o ri balenggamu wo'u naopu pura nibila Alatala. Jadi ne'e maeka, sabana neliupa oli komi riara mpanggita Alatala pade oli ntonji rone nadea.”

Anaguru-anaguruku, ne'e komi maeka, nau komi da'a nadea, sabana komi nipelisi Umamu Pue Alatala mombarata bagia riara Poparentana.

Kitamo tonji-tonji kolaa. Ira da'a notuja-tuja, da'a nokato, pade da'a naria logo nipomboli ira panggoni. Tapi naupa iwetu Alatala nombawai ka ira panggoni! Natantu I'a kana mompiara komi to neliu nipotowena nggari tonji-tonji etu!

Jadi ne'e komi makini mompekiri nuapa rakoni komi bara nuapa rainu komi!

Ane Alatala nompakaramba bunga-bunga to natuwu sampalai lau pade nalele nitajiaka riara apu, natantumo I'a kana mombawai ka komi pakea to niparaluu komi! Komi mpu'u-mpu'u tau to nakura nomparasaya!

Tapi isi rara nta'i ira etu kana ranjani ntau sabana pura-pura nuapa to nitampunisi kana rabonggaraka, pade pura-pura nuapa to nitawu kana ranjani.