Popular Bible Verses from LUKAS 21

Share

Sabana etu komi kana mainga-inga. Ne'e menonto-nonto merapi doa ala komi mompakule manta'amaka pura-pura kajadia etu ante masalama, pade ala komi mamala mantingayo Aku, Ana nu Manusia.”

Pade nangulimo Yesus, “Komi kana mainga. Ne'e komi makako gaga aga mosusa-susa bo manginu mpakalangu-langu pade aga mompekiri anu niparaluu komi matuwu eo-eo. Ane komi da'a mainga, ante da'a ranjani-njani komi Aku, Ana nu Manusia e'i kana marata ri ja'i komi nasimbayu ewa tonji da'a ninjani-njanina sampegoli i'a niso'o tinggolu.

Pakaroso pomparasayamu ri ja'iku sabana ante iwetu komi mamala mombarata katuwua mabelo sampe ri kasae-saena.”

sabana tempona etu wo'umo Aku mboto kana mombawai ka komi pompekiri to nabelona ala komi mamala motesa mombasono ira. Etu sampe balimu da'a mamala mombabali tesamu atau mombasapu nuapa to rauli komi.

Langi bo dunia kana malipo tapi tesaku kana maroo sampe ri kasae-saena.”

“Pade kana maria tandai-tandai rakita komi ri mata eo, ri wula ante ri betu'e-betu'e. Ri dunia e'i pura-pura tau kana mawiora rarana ante maingu mangepe pogu balumba bete moruu ewa guntu. Tempona etu tau-tau kana malipo rarana nggari eka ira mompekiri nuapa to majadi ri dunia, sabana kuasa-kuasa to naria ri langi kana ragagoya pura. Naopu pura-pura etu majadi ira kana manggita Aku, Ana nu Manusia mana'u riara kulimu ante kuasa bo karemeku to nipogumaa.

Komi kana raporau rara pura-pura tau sabana komi nomparasaya Aku.

Kana maria lingu to naro'ona. Ri umba-umba ri dunia kana maria kamateoro ante ju'a mpendai njilele. Pade ri langi maria tandai-tandaina to mompakaeka tau.

Pade ne'e komi maeka ane mangepe kareba posimpatesi ante posiewa. Etu pura-pura kana majadi ntani ruru. Tapi etu da'apa tandaina kaopu nu dunia.” Pade niulina wo'umo, “Tempo etu tau-tau nggari sangata kana mosibali ka tau-tau to sangatana, pade magau simbau magau kana mosiewa.

“Pade kana maria tandai-tandai rakita komi ri mata eo, ri wula ante ri betu'e-betu'e. Ri dunia e'i pura-pura tau kana mawiora rarana ante maingu mangepe pogu balumba bete moruu ewa guntu. Tempona etu tau-tau kana malipo rarana nggari eka ira mompekiri nuapa to majadi ri dunia, sabana kuasa-kuasa to naria ri langi kana ragagoya pura.

Pade niulina wo'umo, “Tempo etu tau-tau nggari sangata kana mosibali ka tau-tau to sangatana, pade magau simbau magau kana mosiewa.

Nesonomo Yesus, “Pakabelo-belo ala ne'e komi rabagiu, sabana madea tau kana marata mompobalu sangaku. Maria samba'a manguli, ‘Akumo Magau to Mompakasalama!’ Pade maria wo'u to manguli, ‘Naratamo tempona Yesus marata bali ri dunia!’ Tapi ne'e komi mantuki ira.