Popular Bible Verses from Lukas 12

Share

Iomo hinaꞌ hangangaa majaga-jagakei, alaꞌ hawaꞌkei ibahaꞌ hiwaꞌimbo kohupaꞌne Anaꞌ Manusiaꞌ.”

Mewaliꞌ, to hangangaa ipohimpodulukei iomo Pueꞌ Ala moparenta i lali kotuwuꞌmi, hei lekiꞌ-lekiꞌna to iparaluikei bateꞌna hingkiꞌ Nopaꞌanikikei.”

Uko tiꞌo, notiꞌi hi Yesu pe toaꞌ to woriꞌ, “Majaga-jagakei hei moromiꞌ-romiꞌkei, inioꞌkei pangkulabo morampu luma duniaꞌ. Alaꞌ kehapoꞌi woriꞌ lumami, handoꞌio tiꞌo to mampoꞌuwaꞌ kotuwuꞌ to wolaꞌ.”

Iporiamo lumami i lali suruga, alaꞌ i imbo koꞌuwaꞌana lumami, itoꞌo nturusi pekirimio.”

Hapomo podumbuꞌane woriꞌ ipotepekei? Kehapoꞌi tepe lalimi mampekiri kotuwuꞌmi, angkana hawaꞌkei hohumbo motambai tinuwuꞌmi kehapoꞌi hangkiuꞌlu.

Notiꞌi hi Yesu pe topeguruNa, “Iomo hinaꞌ kutiꞌikikei, inioꞌ tepe lalimi noniuꞌ i kotuwuꞌmi, hapo to hingkiꞌ iꞌokakei hei to i inukei. Inioꞌ woꞌo tepe lalimi noniuꞌ i peparewami.

Hapona tene ingkei, hingkoweꞌ woꞌo wilolumi, nobahaꞌ Pueꞌ Ala koworiꞌne. Mewaliꞌ inioꞌkei motehuꞌ. Meliu tene perewahine Pueꞌ Ala pe ingkei ka porewahiNa i deno to woriꞌ.”

“Ingkei to metuntu i Aku, inioꞌkei motehuꞌ kehapoꞌi hawaꞌkei woriꞌ. Alaꞌ kopopuhiꞌna lalina Umoꞌmi i suruga, iomo hinaꞌ Io moꞌuwiꞌkei, hingkeꞌna pahuakei kotuwuꞌ to wolaꞌ i lali poparentaNa.

Iꞌelekei tinti kokao. Hawaꞌhi mehuꞌa, hawaꞌhi mekina, hawaꞌi uwaꞌ buhoꞌre. Kehapoꞌi hatoꞌo, Pueꞌ Ala bateꞌna mampopopangkahi. Hapo tene ingkei! I pampeꞌelena Pueꞌ Ala, meliu tene kotuwuꞌmi ka kotuwuꞌra tinti.

Hatoꞌo woꞌo inioꞌ tepe lalimi hei itiꞌikei, ‘Hapomo to hingkiꞌ toꞌoka hei toꞌinu?’

Mewaliꞌ, ane Pueꞌ Ala mampomaranga kora i popada to uwaꞌ i ando hieꞌe hei nihunu poꞌonina, hapo tene ingkei! Meliu tene perewahine Pueꞌ Ala i ingkei. Mewaliꞌ, mahamporeꞌi hinaꞌ hawaꞌi ipohinarukei perewahiNe?

Lekiꞌna to tetutuꞌi hingkiꞌ mombaha, hei lekiꞌ-lekiꞌna to tewuni hingkiꞌ tongawa.